Uitimo tunedi di Settembre

SANTA MARIA DE IS AQUAS

De dogn'anima affannada
Ses tutora poderosa
O de Is acquas titulada
De Cristus Mamma diciosa.

1- De Casteddu Monreali
A peis de una collina
Una vena cristallina
Bessit de aqua termali
De Deus donu immortali
Po Sardara avventurosa.

2 - Perennis bessint e puras
Custas aquas eccellentis,
Fndas, tepidas, callentis
A varias temperaturas;
Efficacis in is curas
In manera prodigiosa.

3 - De custu piticcu monti
Est consolanti sa gloria;
Certu digna chi sa storia
Dda celebrit e raccontit;
Già chi cuntenit sa fonti
De saludi misteriosa

4 - O Maria de piedadi
Chi de seculus antigus
Fissas is ogus amigus
In cust'aqua de bundadi
E pro dogna infirmidadi
Dd'has rendia sanidosa

5 - Cun letizia inaspetada
S'est in epoca incerta,
Po miraculu scoberta
Sa statua bosta sagrada:
De is sardus venerada
Cun gioia religiosa.

6-Vivu raju de isplendori
Ddi ornat su fronti divinu;
A su pettus su bambinu,
Stringit cun maternu amori:
E nos ispirat fervori
Cun sa facci magestosa.

7 - De unu tanti benefiziu
Is fielis consolaus
'Os erigint incantaus
De sa Cresia s'edifiziu
Affidendu a su propiziu
Coru bostu dogna cosa.

8 - Est s'immagini decora
In s'altari collocada;
Mentra sa genti prostrada
Osi supplicat e onorat
E bosu su chi osi implorat
Succurreis generosa.

9- Si spargit prestu sa fama
Già po tottu sa Sardigna;
Currit sa genti e benigna
Maria de acquas os acclamat;
Consolu de chini osi amat
Cun isperanzia fervorosa.

10 - Custas acquas sunti postas
De cuss'epoca, o Maria
Basciu sa tutela pia
De is potentis manus bostas,
E de is maladias nostas
Cara medica amorosa.

11- Clara istella de su Mari
E consolu de s' afflittu;
De su XeIu benedittu
Custu bagnu salutari,
De virtudi singulari
Dotendiddu e portentosa.

12 - Custus bagnus sunt eligius
De bosu solu po mediu,
Po donai su rimediu
De operai is prodigius,
E cuntentai is disigius
De dogn' anima affettuosa.

13 - Curais immantinenti
Cun cust'acqua dogna mali
Sendu de grazias canali
E de saludi sorgenti;
O de Deus Onnipotenti
Sa Mamma, Filla e isposa.

14 - Su maladiu cristianu
Cun isperanza e coraggiu
Benit po longu viaggiu,
De su monti e de su planu
Ma torrat in tottu sanu
A sa domu sua penosa.

15 - Sa noa probatica piscina,
Chini patit dda provit;
Aundi abbasciat e dda movit
De is Angelus sa Reina;
Ch' infallibili mexina
Est cust' aqua preziosa.

16 - Si non gosas paxi mai,
O paraliticu affligìu,
Beni puru, addolorìu
In cust'acqua a ti bagnai;
Chi saludi a ti donai
Est Maria disigiosa.

17 Sanidadi hanti lograu
Is beccius e pippieddus;
Lassendu innoi is baccheddus
Su zoppu su sturpiau;
E su lebrosu est mundau
De sa lebra dolorosa.

18 - Est Maria sa patrona
De cust'acqua o divotus,
Ddu narant in milli votus,
Chi ddi faint corona,
Cantu cussa Mamma bona
Est po is fillus premurosa.

19 - Saludi de is mortalis
Seis, Maria, costituida:
Bosu s' anima pentida
Salvais de tantus malis
Cun is acquas celestialis
Feis pura e luminosa.

20 - Is corus chi proteggeis;
Accendei de santa fIamma
De nosu vera mamma
Mostraiosì cali seis,
Chi amanti nosi ghieis
In custa vida penosa.