24 Maggio
SANTA MARIA DI Cabras
In sa gloria sublimada
Cun celeste melodia
Pro nos prega Maria
De Cabras intitulada.
1-De s'impronta luminosa
De s'origine divina,
O modesta, alta Reina
Tenes forma portentosa,
Chi Mamma, Fiza e Isposa,
Ses de Deus avventurada.
2 - Ses columba de candore
Vaga aurora de bellesa
Oigliu ses de puresa
Pius che sole in su splendore
Cun trasportu de amore
In su mundu collocada.
3 - Soavissima armonia
Chi resonat dulchemente,
In sa sfera piùs ardente
De celeste gerarchia,
Chi consolat s'affligida
Terra sempere affannada.
4 - In su mare de sa vida
Priv'e ghia e senz' istella
Lughe ses sa piùs bella
Segurissima guida
De speranza rivestida
De bundade circundada.
5 - Tottu santa e amorosa,
Mamma vera peregrina,
Non b' est anima meschina
Chi non fettas gloriosa,
Mentras issa piedosa
T' happet supplice invocada.
6-Sa bellesa tua diciosa
Imprimida in sa figura,
Cun vaghissima scultura,
De una manu prodigiosa,
Chi nos pervenit premurosa,
Cun portentu trasportada.
7 - Ti cuntemplat suspirende,
Tanta zente cunvenida;
Non ses morta, ma dormida
Santamente riposende;
E sos Anghelos cantende:
Dormi bella fortunada.
8 - Dormi, o celeste aurora,
Delicada e risplendente,
Non ti turbet, no, sa mente
Forma vana ingannadora:
Ses de Chelu Imperadora,
De sa terra avventurada.
9 - In sa fronte tua serena,
Che tranquillu firmamentu
Non trapasset su ttirmentu
De tempesta chi est terrena:
Chi de grazias ses piena
E a s' altu destinada.
10 - Sa cara tua divina
Cale rosa singulare,
In sos sinos de su mare,
Madreperla peregrina,
Binchet s'ora matutina
De s' istella preannunziada.
11- Sas manos in su candore,
Paren lilIos virginales,
Mustran grazias immortales
Pro lenire su dolore,
Pro riponner' in onore
Una vida disperada.
12 - Già chi tantu ses nodida,
Bella mamma gloriosa
Chi guidas premurosa
Sas fortunas de sa vida,
Sa suprema dispedida
Tue nos fettas consolada.
13 Cando scioltas sas cadenas
De sa vida transitoria,
Destinados a sa gloria
De alturas piùs serenas
Cun sas grazias piùs amenas
Ti gosemos circundada.