20 Luglio
SANTA MARGHERITA Verg. Mart.

In casta vida penosa
Tengamos lughe e camminu
Prega su Verbu Divinu
Margarita gloriosa.

1-Naschestis in Antiochia
Patria illustre, pagana,
Sa vera fide cristiana,
Professestis de pippia
Dispreziende s'idolatria
Ti faghes de Gesùs isposa.

2 - A tale mutazione
Su babbu infuriadu,
Po haere dispreziadu,
De sos Deos s'adorazione;
A eterna confusione,
Ti dimostras coraggiosa.


3 - De tanta bellesa rara,
Olibriu s'inamoresit
E tra tantas t' elegesit
Po vera isposa amada;
De zelu costante armada,
Disprezias vittoriosa.

4 - lnfuriadu su Presidente
A una tale confessione,
Azzottos, fuste, presone,
Ti decretat immantinente;
Pro Gesùs Onnipotente
Tolleras tottu gustosa.

5 - Trassas su dimoniu inventat
Pro impedire s'orazione,
In figura de dragone
E fieru si presentat,
Invanu però ti tentat,
Chi triunfas vittoriosa.

6 - De s'lspiridu Santu
Ses istada consolada,
De sos anghelos recreada
Cun musicas e cun cantu;
Alabas a Deus intantu
Cun grazia prodigiosa.

7 - Su tiranu crudelmente
Privadu ti hat de sa vida,
s'agatat s'alma unida,
Cun beatos intimamente,
In s'imperiu eminente
Regnas oe gloriosa.

8 - Tanta immortale gloria
Oosas pro un' eternidade,
Cun ojos de piedade,
Tene de nois memoria,
De sos inimigos vittoria
Tengamos santa diciosa.