14 Maggio SANTA GIUSTA Vergine Martire
Celeste infante adoada De santidade famosa, De Gesùs fidele isposa Giusta Virgine sagrada.
I - Assusena peregrina In Arborea naschida Senza mancia bessida De sa gentilich' ispira E de sa manu divina De dogni donu dotada.
2 - Sa patria Edem bos desit Su samben, sa nobilesa Donos de naturalesa Liberale bos donesit, Su chelu bos destinesit Pro santa privilegiada.
3 - A Giusta la battizesit S'obispu de Ottotena Cun angustia e cun pena Mamma ostra os' azzottesit, Sos anghelos bos cantesin Pro esser glorificada.
4 - In sos primos annos gustestis Sa dottrina cristiana Cale fide soberana In su pettus occultestis Fin a cando predichestis A mamma ostra ingannada.
5 - Claudiu crudele paganu De bois s' innamoresit Cun accisos procuresit Attirare bos in s' ingannu Però Cristos Soberanu Difendet s' ispos' amada.
6-Sollicita cumparesit Una lughe celestiale E a su transe mortale Cleodonia lompesit Cando certa conoschesit Esser Giusta battizzada.
7 - Tentat in s'onestade A Giusta cun medas artes E bintos sos istendartes De s'orrenda podestade, Binta ancora sa maledade, s'arte magica burlada.
8 - Tentat primu cun amore Perversu s'intentu paganu Ma bidinde chi fit vanu Cambiesit in rigore Inventende su terrore Contra sa fiz' istimada.
9 - Rivestida de sajone Crudele bos azzottesit E sola bos inserresit In d' un' osc~ra presone, Ma cun celeste visione Fistis bois consolada.
10- De infernales isquadrones Sa fide ostra triunfesit Sa cittade s'inundesit Pro sas bostras oraziones; Annegados sos Faraones De s'idolatria armada
11- Cun musica angelicale Sa belì' anima spiresit, Su sposu santu bos desit Palma e corona triunfale: A sa patria celestiale Preparende nos s' intrada.
II Eroina portentosa De sa fide baluardu Difende sa Regna Sarda Santa Giusta glariosa.
1-in Sardigna ses naschida In sa famosa Arborea, E de gente non plebea Tue ricesti sa vida, Però non fist istruida In sa Rughe preziosa.
2 - Giusta fisti giamada Ca Giusta biver depias, E fidele a su Messia Chi I' haiat destinada, Pro chi I' esseres istada Fiza diletta e isposa.
3 - A doigh'annos lassesti Sa profana idolatria Ca su Fizu de Maria Veru Deus conoschesti Una vida t' elegesti Sa piùs dura e piùs penosa
4 - Appenas ti cunvertias A sa vide Cristiana, Cleodonia mamm' inumana Pro tirannu tue tenias In cantu riprovaias Sa fide sua ingannosa.
5 - Cun furore de leone Contra a tie s'avventada Sos ossos ti fracassada, Cun d' unu duru bastone, E senza cumpassione Ti lassesit sambenosa.
6-Gasi tuttu liagada Ti poniat in presone E crudele che Nerone Cun cadenas ti ligada, Ne benias sullevada Mai de manu piedosa.
7 - Sos anghelos solamente Abbassesin a ti curare Cun sos cale alabare Cherian s' Onnipotente, Chi rendesin risplendente Cussa presone oscura.
8 - Cun celeste meighina Sanada ti ammiresin, E prestu si cunvertesin Enedina cun Giustina, Ca sa potenzia divina Supplichesti fervorosa.
9 - Pustis de tantos turmentos, Chi mamma tua ti desit, De nou ti preguntesit De sos tuos penzamentos. Ca fin a Deus intentos Li rispondesti animosa.
10 - Claudiu perfidu amante Provesit custa firmesa, Cun offertas de ricchesa Credendeti vacillante, Ma tue semper costante Restesti vittoriosa.
11- Pro cussu cun tirannia CIiuresit de ti trattare E pustis de ti bruxiare Cun sa tua cumpagnia Ma a ipse cussa maia L' istesit tantu dannosa.
12 - In d'un'orrendu torrente Chi sa cittade inundesit, Miseramente morgesit Cun tottu sa sua gente, Salvu su veru credente In manera prodigiosa.
13 - Pustis de tantu penare Cun piùs rara passienzia, Sa Divina Onnipotenzia Ti cherfesit premiare, Cumandendeti a lassare, Custa valle lagrimosa.
14 - Vera nostra protettora In su Chelu t' adoramos E comente supplicamos Favorinos a dogni ora, Semus gente peccadora De favores bisongiosa.
15 - In modu particulare Ti venerat custa gente E in custu Iogu eminente Ti cherfesit fabbricare Un' ecclesia pro pregare A tie miraculosa.
16-In sa perenne fortuna De cust' ecclesia sagrada Tue benis figurada Pro sa grazia soberana Chi a s' anima cristiana Semper donas generosa.