28 Agosto

SANT'AGOSTINO Vescovo Dottore

Lurninare peregrinu
De dìvinos resplendores
Claru Sole de dottores
Ammirabile Agostinu.

1- Dae Tagaste tenghestis
s' esser fisicu e reale
E sa grazia battisimale
In Milanu la ricestis
In forma uman' apparestis
lncarnadu Serafinu.

2 - Bravu leone africanu
Chi a sos bramidos chi hat dadu
Atturdidu e ispantadu,
Tremet su Pelagianu,
De s'infedele Arianu
Tormentu duru continu

3 - Ambrosu santu bos desit
Sa lughe celestiale
De sa grazia eternale
Sas funtanas bos mostresit;
Ue discansu agatesit
Cussu pettus columbinu.

4 - In Ippona pro preladu
Valeriu lu cunsagresit;
E ambos orbes ornesit
Cun sos rajos chi hat vibradu;
Claras lughes chi hat lassadu
Sos ereticos senza tinu.

5 - Nou Giudas Macabeu
Contra s'orrendu ApoIloniu
Signu post'in testimoniu
De sas grandesas de Deu
De s'errore manicheu
Forte istragu peregrinu.

6 - De ambos polos atlante
E de s' inferru terrore
De su chelu resplendore
In dogni isfera brillante
De s'Ecclesia militante
Su piùs armadu fortinu.

7 - Portentosu difensore
De sas cristianas banderas
De sas ereticas chimeras
Acerrimu distruttore;
Atterradu dogni errore
Cun furore leoninu.

8 - Rara manu prodigiosa
Chi ferru e fogu hat truncadu
Cantas testas chi hat brottadu
Sa idra piùs velenosa;
De sa patria gloriosa
Nos mostresit su ca'nminu.

9 - Difensore soberanu
De sos dogmas piùs seguros;
Sentinella posta in muros
De su vergeri cristianu;
Santu su piùs a sa manu
Decretadu cherubinu.

10 - Sole in tenebras creadu;
Ligiu de ispinas naschidu,
Astru de rosas vestidu,
Splendore in umbras formadu,
Mutaziones chi hat causadu
Su bratzu destru divinu.

11- Turre eccelsa, turre forte,
Turre in rocca piantada
De sa cristiana armada
Difende semper sa sorte
Sias in vida e in morte
Amparu nostru continu.

12 - Est morte de eresiarcàs
Est norma de cunfessores,
Est dottore de dottores
Est lughe de Patriarcas,
Est de fideles monarcas
Casteddu diamantinu.

13 - Alcanzadenos sa vittoria
De s'infernale canaglia
Pro tant' orrenda battaglia
Chi bos hat dadu sa gloria,
E tenide in memoria
Su peccadore meschinu.