15 Maggio

SANT' ISIDORO Agricoltore

Messaiu miraculosu
Plenu de divinos rajos 
Pregade pro sos messaios
Isidoru santu gloriosu.


1- In Madrid hagis rajadu
Sos primos bostros albores
Cun piùs vivos resplendores
Hazis s' Ispagna illustradu
Rajos hazis dispensadu
Piùs de sole luminosu.

2 - In su fiore de sos annos
De sa ostra piccinnia
Fatestis sa messaria
Cun ammiru de sos mannos
De sos piùs teneros annos
Binchidore valorosu.


3 - lnnantis de comenzare
De sa terra sa coltura
Dogni die cun termura
Visitestis templu e altare.
A Jesus pro dimandare
Fruttos de eternu riposu.

4 - Cando fistis occupadu
In sa santa orazione
Pro divina disposizione
Cuddu travagliu paradu
Sos anghelos cun s' aradu
Supplian cun summu gosu.

5 - De un' abbundante regorta
Pro esser su nere in suspettu
Li destis su trigu nettu;
Sa pazza un' atera orta
Bentulende, già arregorta
Desit fruttu piùs ubertosu.

6 - Su mere tantu ansante
De sidi in sa ostra domitta
Tocchestis cun sa palitta
Sa terra e in cuss' istante
Bessesit abba abbundante
Contra su sidi fogosu.

7 - Custa vena mananziale
De prodigios ricca mina
Est rimediu e meighina
A su piùs teneru male
Donat salude finale
A s' infirmu perigulosu.

8 - Zegos, zoppos liberados
Presos de morbu letale
s' amparu ostru speciale
Invocande sun sanados
Malaidos disperados
Bos acclamat portentosu

9 - A su viadore meschinu
Hazis dadu accattamentu
Alloggiu e sustentamenlu
Intrada a su peregrinu
E a su Messias divinu
Fatigadu e affannosu.

10 - De su chelu tantu amigu
De messaios protettore
In tempus de asciuttore
Dade nos abba a su trigu
Chi su poberu mendigu
Non de siat bisongiosu.

11-De peccadu senza neu
Cumplidu hazis sa gherra
De custa misera terra
Bolesit s'anima a Deu
Su corpus sagru e intreu
Adorat Madrid diciosu.

12 - Pustis cun fama notoria
Bos hat distintu su chelu
De custu mortale velu
Portade nos a sa gloria
Cun palma de sa vittoria
Contra s'inferru orgogliosu.