13 Giugno
SANT'ANTONIO DI PADOVA

Sole de doradu mantu
Bestidu de resplendore,
Antoni de Padua Santu
Siades nostru intercessore.

I - Pianta bella fruttuosa,
Pianta de s'altu Oriente,
Pianta celeste vivente,
Pianta fecunda odorosa;
Viva istella luminosa
De divinu resplendore.

2 - Altu cipressu divinu
In Lusitania piantadu,
In su giardinu sagradu
De Franciscu Serafinu;
Altu, bellu e virde pinu
De dulche e suave odore.

3 - Postu in sa Religione
De Franciscu Patriarca,
Navighende in tale barca
Cun velas de orazione;
Su portu de salvazione
Alcanzestis cun amore.

4 - In cussa barca assentadu
Navighende de continu,
De s'altu Verbu Divinu
Sezis Bois visitadu;
Subra su libru doradu
B~nghesit su Redentore.

5 - Benin tottus a sa marina
Sos pisches de s' altu mare
Pro intender predicare
Sa cattolica dottrina,
Cun tanta grazia divina
Cuncessa de su Signore.

6- Tale donu singulare
Bos desit s'Onnipotente
Dogni limba differente
Ischire in su predicare;
Totus Bos den acclamare
Divinu predicadore.

7 - Cando bos giaman de ver~
Cun boghes duras penadas,
In cuddas penas sobradas
Sas lastimosas parteras;
Accudides a sas pregheras,
Succurrides a su dolore.

8 - Zegos, zoppos, istrupiado
De males e contagiones,
Cun sas Bostras oraziones
In totu restan sanados
Sos mortos resuscitados
Mudadu su peccadore.

9 - Cando benit a mancare
Prenda alcuna de valore,
o Antoni intercessore,
Dades lughe a I' incontrare:
Tale donu singulare
Bos desit su Creadore.

10 - Cando sos peregrinantes
Passan cun avversidade,
E cando in sa tempestade
Bos giaman sos navigantes
raghindelos partecipantes
De su celeste favore.

11- Cand' alcunu est accusadu
falsu crimen dolente,
e cand' alcunu innocente
est a morte cundennadu,
servides de avvocadu
E valente difensore.

12 - Dae s'altu amore infiammadu
Sa dottrina difendides,
Ereticos cunvertides
De portentos segundadtì:
Sezis semper acclamadu
Marteddu contra s'errore.

13 - Ite piùs ram portentu,
Cale ispantu de ammirare,
De baer fattu adorare
A sa mula su Sacramentu
Su tiranu intendimentu
Confusu hat cun terrore.

14 - Cun tale doradu mantu
E cun tantu resplendore
Ghiades su peccadore
In custa valle de piantu;
Alleviandelu cun ispantu
De dogni pena e dolore.

15 - Bos pregamos umilmente
Cun sos benugos in terra,
De ogni afflizione e gherra
Difendidenos prontamente:
Custu populu e zente
Amparade cun amore.