27 Luglio

SAN PANTALEO Martire

Martire, dottore sagradu
Medicu illustre famosu
Santu su miracalosu
Ses Pantaleo invocadu.

1- De Eubula cristiana
E de Eustorgiu senadore,
Vittima de su Signore
Arricid'has carre umana,
Zente illustre e soberana,
Sole in architrave nadu.

2 - Tue Cristos invochestis
Prima d'esser battizadu,
In p~na de su peccadu
Su serpente morrer fatestis
Pustis chi a vida torrestis
Su piccinnu avvelenadu.

3 - A Ermolao giamesti
Prontu pro ti battizare
Firmu e senza tardare,
Sa meraviglia li nesti,
Piùs restare non cherfesti,
Divinu sole ecclissadu.

4 - Feroces a Massimianu
Sos 'nedicos orgogliosos
Ti accusan invidiosos
Dendeti pro cristianu
Ma tue allegru e galanu
A Cristos has cunfessadu.

5 - Dioclezianu Imperadore
E Massimianu Agiudante
Ti desin ite bastante
Menescher pro su Signore,
Ambos cun ira e furore
Ligareti han cumandadu.

6 - Predichest's cun fervore
A Cristos postu in sa rughe,
Destis a sos zegos lughe
Presente s' Imperadore
In dogni pena e dolore
T' hat Cristos accumpagnadu.

7 - De pustis ti bastonesin
Sos ministros infideles
Comente tigres crudeles
Su corpus ti larninesin:
Cando piùs non podesin
A su fogu t'hat bettadu.

8 - Mirabilmente su fogu
Totalmente superesti;
Non soin non ti bruxesti
Ti pariat anzis giogu
Flagellendeti in ateru logu
Cun pighe e pium' iscazadu.

9-Cun morte piùs manifesta
Pro piùs prestu accabare
Ti ettesin in su mare
Cun d' una soga a sa testa
Ma tue cun gosu e festa
Fogu e mare has superadu.

10 -Cussos bruttos saiones
A vista de tanta zente
Pro morrer immantinente
Ti ettesin tra sos leones
Sos cales piùs che anzones
Mansuetos t' han veneradu.

11-Prontamente ti lighesin
A sa roda preparada
De puntas de attarzu armada
De s'altu ti precipitesin,
Sos infideles ti degolesin,
Ca a tie han rispettadu.

12 - Missimianu cumbinchidu
De sa tua valenzia
Preguntat de cale magia
Ti fist usadu e servidu;
Pustis chi tantu has patidu,
Però has semper triunfadu.

13 - Sas ispadas chi affilesin
Pro ti cherrer degogliare
Cherinde a tie toccare
Blandas che chera torresin,
Sos ministros ti pedesin
Perdonu de su peccadu.

14 - Maraviglia manifesta
Duplicada si bidesit
Latte e sambene falesit
Dae su tugiu senza testa;
Sa ricompensa t'est presta
De cant' has tue meritadu.

15 - Su calighe de s'amargura
Cun Cristos has cambiadu,
S'est in te verificadu
Rappresentadu in figura
A sa celeste altura,
De s'altu chelu lias boladu.

16 - Santu dignu protettore
De custu popuin impignu
Attende nos cun ca'ignu
Denanti a su Signore,
Cando cun ira e furore
S' irritat pro su peccadore.