8 luglio

SAN PALMERIO Martire Sardo

Campione poderosu
De sa fide difensore
Sias nostru intercessore
Palmeriu Santu diciosu.

1-A tie non dat s' istoria
Ondra umana passigera,
Tradiziones de alta isfera,
Adornadu ti hant de gloria,
Tenes nomen de vittoria,
Cale eroe gloriosu.

2 - Palmeri palma triunfante
De su gentilicu errore
Gherreri mannu in valore
In sa fide piùs zelante
Patis pro Jesus costante,
E moris vittoriosu.

3 - Su pinzellu e s' iscultura,
In s'eremu ti han descrittu
S'ispada e s' animu invittu
Prostradu in sa terra dura,
Un' anghelu de s' altura,
Coronandeti amorosu.

4 - Su fogu tenes in manu,
Chi accesu ti Iiat pro su chelu,
Ti hat consumidu pro zelu
contra s'omine mundanu,
Pro su nomen cristianu
Tottu ardente e animosu
Miras alligru e gustosu

5 - De sa patria tantu amada
Ti disterran cun intentu
De mudare penzamentu
In sa fide professada,
Sa chi in te fit preparada
A martiriu generosu.

6-Est in cuss' occasione,
Chi stande jà battizzadu
In d'unu monte inserradu'
Ti ses a perfezione
Preparadu a sa passione
De martire valorosu.

7 - Su crudele presidente
Ti cundannat cun sentenzia
E tue cun sa presenzia
Animas totu sa zente
Chi non timat pro niente
Si si mustrat rigorosu.

8 - In sa pagana coorte
Ti azzottan e turmentan
Sos fideles si lamentan,
E tue cun pettus forte
s' ispada chi ti dat morte

9-Fervorosos cristianos
De su corpus tou sagradu
Su sepulcru han occultadu
A infideles e paganos,
Pro salvare de tiranos
Tesoro tanlu preziosu.

10 - Su corpus non piùs connottu
Famosa non fit sa festa,
Però cun pompa modesta
Fistis de teinpus remotu
Veneradu cun devotu
Zelu e ritu religiosu.

11- Deus chi tantu t'amesit,
Sa tua santa memoria,
In su seculu de gloria,
Decimu ottavu onoresit
Cando a su mund' isvelesit
Tumba e corpus tou lustrosu.

12 - Unu devotu avvisadu
Tres bortas in visione
Andat cun devozione
A su logu signaladu,
E b'incontrat s'occultadu
Corpus tou gloriosu.

13 - Una lapide imprimidu
Su nomen tou teniat,
In cristallu in pannu fiat
Su samben tou coglidu
In palma ricca esprimidu
Su martiriu gloriosu.

14 - Cale sole ch'improvvisu
Disvelladu de sa nue,
Mandat lughe pro tott'ue,
Cun calore, vida e risu,
Cale apustis de s'avvisu,
A dogni anima das gosu.

15 - Flaccos. poberos, tulidos,
Tristos, piticcos e mannos,
Pro pagos e medas annos
De dogni male affligidos
De te benin favoridos
Cun amore prodigiosu

16 - Sas grazias chi dogni de
Alcanzas a sos devotos,
Las attestan tantos votos,
Chi penden accantu a tie,
Demustrande nos gasie,
s'amparu tou famosu

17 - Su sepolcru tou santu
Dogni afflittu cristianu
De accantu e de lontanu
Lu visitat cun piantu
B' agatat de tantu in tantu
Salude forza e riposu.

18 -Sabba e terra veneramos
De sa tumba gloriosa,
E cun fide fervorosa
In sos males las usamos
Pro chi nde sperimentamos
s' effettu maravigliosu.

19 - A Ghilarza sun restados
Cales pignos preziosos
Sos avanzos gloriosos
De sos ossos tuos sagrados
A mustrare deslinados
Un' amparu portentosu.

20 - Sant' eremita e gherreri,
Forte martire e clemente,
Oe iscurta custa gente
Chi in s'esiliu passigeri
T' invocat pro Cavaglieri,
De dogni anima piedosa.

21 - Cun lagrimas e cun votos
Benimos fizos orfànos,
A tie alzamos sas manos,
Pro chi ghies sos devotos
In sos passos non connotos
Chi portan a eternu gosu.