25 Aprile
SAN MARCO Evangelista

In su mundu tenebrosu
Celestiale scrittore
Siades Marcu intercessore
Evangelista gloriosu

1I - Fistis de nazione ebreu
Cun Barnaba in parentadu
Unu de s'apostoladu
De jesu Veru Deu
Lassestis s'amore feu
De custu mundu ingannosu.

2 - Conoschistis su Messia
In sa sua predicazione,
Cenaculu e abitazione
In domo ostra faghiat
A s'apostolica cumpagnia
Destis chena prodigiosu.

3 - Candu a su chel' alzesit
Cristos già risuscitadu
A tottu s'apostoladu
Su Spiritu Santu mandesit
In su cenaculu falesit
Consolandelos donosu.

4 - Cun Barnab' accumpagiadu
In Panfilia predicbestis
E in Cipru I' osservestis
In su Martiriu accabadu,
Tales novas hazis dadu
A Paulu cojdadosu.

5 - A Perdu affine e parente
Cherfistis tantu chircare
E a ~oma accumpagnare
Ue predicat a sa zente
Accettende comunemente
s' evangeliu misteriosu.

6-Dottrina de tant' altura
A l'intender predichende
Sos romanos po cumprende
Li dimandan sa scrittura;
Cust' impresa cun premura
Bos desit Perdu gustosu.

7 - Gustosamente assumistis
Cust' officiu celestiale
S'evangeliu tot' uguale
Tando bois iscriistis
E approvadu lu vidistis
De Perdu babbu amorosu.

8 - Boi sos Pentapolitanos
E populos cireneos
Lassende sos falsos Deos
Los fetistis cristianos
Cun portentos soberanos
Esemplare virtuosu.

9 - In ultimu predichende
In Alessandria de Egittu
Cun s' Evangeliu iscrittu
Sa fide fistis piantende
Sacerdotes ordinende,
In iscola sacra famosu.

10 - Cun sas sacras vestiduras
Nande Missa in s' altare
Benzesin a bos assogare
Sas paganas creaturas
Slogandebos sas giunturas
Cun istragu orgogliosu.

11- Oasi sa gente azzegada
Bos faghet mortale gherra
Su samben curret in terra,
Carre e veste arrogada
In ecclesia s'alm' est bolada
A su celeste riposu.

12 - Bois de grandes rugidos
Sezis su forte leone
De sa sacra visione
A Ezechiel acclaridos
Sos riccos sun atterridos
De unu coro ambiziosu.