21 Agosto
SAN LUSSORIO Martire
Cavag1ieri de altu gradu
De Sardigna risplendore
Siades nostru intercessore
Santu Lussurgiu Avvocadu
1-In Calaris chi est emporiu
De Sardigna corte illustre
Naschistis su piùs illustre
E cun misteriu notoriu
De Lussurgiu e de Bissoriu
Su nomen bos han dadu
2 Lughe naschidu e ardente
lndicat su nomen bostru
E gasi su regnu nostru
Illustrestis rispendente
Pro Deus Onnipotente
L' hazis totu infiarnmadu
3- In sos gentiles errores
Passsestis sa gioventude
Dogni morale virtude
Osservestis a primore
In militares onores
Fistis tant' esaltadu.
4 - Sa ostra cunversione
Succedesit pro avventura,
Chi leggende sa scrittura
Certu salmu in occasione
Custa sacra lezione
Bos lassesit infiammadu.
5 - Lussurgiu has ischermidu
Bene, pro ti divertire
Como deves ischermire
Pro chie t'hat redimidu
Cun sa morte chi hat recidu
E samben chi hat derramadu.
6 - Cun custa oghe potente
Renunziestis cun prestesa
Su mundu, domo e ricchesa
E cun bestire indecente
Andestis pro penitente
A certu logu imbuscadu.
7 - A s'occasione prima
Bos fetistis cristianu
Sende cun s'ispad' in manu
In d' unu jogh' e ischirma
Una oghe interna e firma
Gasi bos hat faeddadu.
8 - Su battisimu arricestis
Pro viver a sa segura
E de sa sagrada scrittura
Orande parte istudiestis
In pagu tempus ch' istestis
Leginde tott' applicadu.
9- A prov'e Monteleone
Elegistis sa posada
In d'una grutta appartada
De commerciu de persone
Ue senza cumpassione
Bos sezis mortificadu.
10 - Pustis de tant' aspresa
Andestis peri su regnu
Predicande cun impegnu
Sa cristiana grandesa,
Estirpende in cuss'impresa
Su gentilismu malvadu.
11-Tant' illustrestis sas mentes
Zegos in s'idolatria
Chi currian a porfia
A su battisimu sas gentes
De sos cales eccellentes
Martires han resultadu.
12 - Oente idolatra maligna
Cun sos insoros delirios
Varios bos desin martirios
Predichende in sa Sardigna
Però sa manu benigna
De Cristos bos hat curadu.
13 - A Delasiu Presidente
Si li desit sa notizia
Chi lassestis sa milizia
Pro predicare a sa gente
E cumandat prontaniente
Chi siades catturadu
14 - Seguru cun ligaduras
Bos presentan a Delassiu
Chi bos tentesit de ispassiu
Cun promissas e blanduras
Pustis cun penas duras
Bos tenen ammanettadu.
15 - Biende bos meda forte
In sa santa religione
Bos inserrat in presone
Fin a bos dare sa morte
Pro discurrer de ita sorte
Ilegis a esser cundennadu.
16 - Timinde alcunu avvolotu
Si bos bocchin in sa corte
Ca fistis de gente forte
E bos istinian tottu
Cheret chi in logti remotu
Morgedes attormentadu.
17 - De Calaris bos portesit
segretu a Fordongianu
Ue cun modu tiranu
primu bos azzottesit
bos bastonesit
ossu bos hat segadu.
18- Sa canaglia si nd' andesit
pensend'esser ispiradu
ma su Deus umanadu
luego bos visitesit;
sanu e forte bos torresit
Cuddu corpus fracassadu.
19 - Sende sanu a predicare
A Logudoro torrestis
E apustis hos cherfestis
In cudda grutta inserrare
Pro bos bene preparare
A morrer martirizzadu.
20 - Vivinde de custa sorte
Penitente in su desertu
De Deus istestis certu
Chi fist a prov' e sa morte
A predicare a sa corte
Luego sezis torradu
21 - Torresit su Presidente
A esser notiziosu
Chi sanu e piùs animosu,
Predichestis a sa gente
Tantu piùs impaziente
A bos tenner hat mandadu.
22 - Noamente su tiranu
Bos cherfesit pervertire
Però chi fit consumire
Tempus e travagliu invanu
Bos cundannat inumanu
Esser foras degogliadu.
23 - A Selargiu arribados
Cun Cesellu e Camerinu
Tot' is tres unu huginu
Bos bocchcsit istestados
Fistis a Chelu portados
De anghelos chi hat abbasciadu.
24 - A Calaris chi torresin
Sos ministros infernales
E pro pastu a sos animales
Sos corp~s santos bettesin
Sos cristianos bos cogliesin
E cun pompa han interradu.
25 - Già chi travagliu e sudore
Bettestis pro custu regnu,
Servindenos cun impgnu
Pro Deus nostru Signore
Pro chi grazia e favore
Tengamos asseguradu
26 - lstrangios e naturales
Accudin meda devotos
A domo ostra cun votos
Pro sas dolenzias e males
Chi cun manos Iiberales
Los hazis rimediadu.