10 Agosto
SAN LORENZO Diacono Martire

Raju de divinu amore
Lughe clara e risplendente
De su fogu eternu ardente
Sias Lorenzu difensore.

1-Anghelu ses terrenu
E omine celestiale
Alligras dogna mortale,
S'inferru pones in frenu:
De divinu amore pienu
Cherubinu in su fervore.

2 - De Orenziu grandu santu
In passienzia santu ancora,
Nasches simile a s'aurora
Cun risplendore de ispantu;
Osca, Ispagna, tottu cantu
Tenet immortale onore,

3 - Sa dignidade sagrada
De Levita sacrosantu,
Faghet cumprendere su vantu
De una vida immaculada,
Innocenzia sa piùs sobrada
E sapienzia de primore.

4 - De su sacru Vaticanu
Fidele depositariu,
Larenzu tenet s'erariu
S'alligrat su cristianu
Tenes liberale manu
ses Giuseppe provvisore

5 - Camminende Sistu santu
A su martiriu penosu,
Tue discipulu virtuosu,
Lu sighes disfatt' in piantu
Reclamende: o Babbu santu
Non mi lesses cun dolore.

6-In s'incontru agonizzante
De Gesùs sos duos amantes
Si confirman costantes
Cun votu firmu incessante
Ma Sistu morit innante
E Lorenzu posteriore.

7 - Deciu Cesare ambiziosu
T' insultat pro su tesoro,
Cun immortale decoro
Lu cunservas coidadosu
E a su giustu bisongiosu
Lu dispensas cun favore.

8 - T'insultat Valerianu,
T' ammelezzat fortemente
Ti maltrattat aspramente,
Cun modù tottu inumanu
Tenen un'anghelu a sa manu
Chi t' amentat su valore.

9 - Cintu de duas cadenas
Ses Lorenzu impresonadu,
Ses fertu e scarnificadu,
T' arrogant artos e venas:
De unu mare de penas
Ses valente binchidore.

10 - Suffres laminas ardentes
Azzottos iscorpiones,
Villanias e afflizionis
Dolores sos pius veementes;
Medas romanos presentes
Ti pianghen cun clamore.

11- Una oghe de su Chelu
T'annunziat doppiu turmentu
Tue gustosu e cuntentu
Predichestis cun piùs zelu;
Ti cumparet senza velu
5' anghelu confortadore.

12 - Sos zurpos naturales
llluminas cun sa rughe,
Rimedios de eterna lughe
Donas a 505 terrenos males;
Cunvertes medas mortales
A sa lee de su Signore.

13 - Un incendiu e grandu fogu
In d' una cardiga ardente
Cun altu amore potente
Disprezias cun burla e giogu
Pro Lorenzu est disaogu
Custu lettu de bruxore.

14 - In sas flammas abbruxende
Naras a Valerianu:
Furria e pappa inumanu
Sa parte chi est arrostende:
Felice ses rinaschende,
Moris pro divinu amore.

15 - De su fogu naturale
Disprezias forza e rigore
De su sempiternu ardore
Difende dogni mortale
In cudd'ora fatale
Agiuda su peccadore.