23 Aprile

SAN GIORGIO Martire

De sa dragone orrorosu
Raru stragu eminente
favoride custu gente
Santu Giorgiu gloriosu.

1- De nobile parentadu
In Cappadoccia naschistis
E de minore istetistis
In virtude illustradu
In Palestina educadu
In amore fervorosu.

2 - De unu fieru serpente
Liberestis cudda terra
Faghinde campale gherra
Cun bratzu tantu potente
Chi bos hat fattu valente
E restare vittoriosu.

3 - Su crudele pretendiat
Assolutu Dioclezianu
Destruer su cristianu
Già chi a Cristos sighiat,
Turmentos preparaiat
Nerone falsu alevosu.

4 - Difendinde sos cristianos
Apistis grande disputta,
Ma in d' una presone brutta
Cuddos malignos tiranos
Bos inserran inumanos
Cun modu raru. penosu.

5 - A una roda lighesin
Su corpus bostu sagradu,
E cun barbaru coidadu
Tottu I' insangrentesin
Però invittu comprobesin
Pettus tantu valorosu.

6-A unu forr' e carchina,
De vivu fogu allumadu
Su corpus sant' hat bettadu
Cudda gente serpentina,
Però pro grazia divina
Restestis piùs luminosu.

7- Su fogu tant' avvivadu
Non bos podet consumire
Senza lesione recire
Restat su corpus sagradu,
E restat piùs induradu
Dioclezianu rigorosu.

8 - Reduistis a chisina
Unu idolu profanu
Già chi sa divina manu
Bos dat virtude divina,
Cunvertestis Alessandrina
A Cristos cun summu gosu.

9-Niun' assussegu hapesit
Dioclezianu malvadu
Chi bos haeren degolladu
Prontamente decretesit
s'altu chelu celebresit
Custu martiriu diciosu.

10 - Offerinde in sagrifiziu
Su corpus bostu sagradu
Cun cuntentu sublimadu
Andestis a su suppliziu
A s'infernale bulliziu
Dande tetargu penosu.

11- O purpuradu divinu
De sa corte celestiale
De su dragone infernale
Salvade dogni meschinu
Chi non erret su camminu
De lograre eternu gosu