7 Luglio
(S.) COSTANTINO Imperatore Romano
Già chi sezis collocadu In cussa sedia de onore Siades nostru avvocadu Costantinu Imperadore.
1 - Fioridu e nobile rampu De sa pianta piùs amena, Mamma ostra Sant' Elèna Chi bos boghesit a campu, Pro esser de tiranos lampu E de s'inferru terrore.
2 - Cun soberanu consizu Pro dare a su mundu fama Nascliistis de tale mamma Cale santu, tale fizu Biancu e coronadu lizu De s'ortu celeste fiore,
3 - Non senz'altissimu intentu Deus bos bogbesit a lughe Pro esser de sa Santa rughe Pubblicadore e aumentu De tanta gloria istrumentu A s'eternu Redentore.
4 - Sa Santa Sede ruiat Cun tanta persecuzione Ma su Chelu in s'occasione Pro riparu bos poniat Pro chi in bois conoschiat Tanta piedade e valore,
5 - Cando su ferru nudu Postu in sas manos paganas Contra sas venas cristianas Si mostresit piùs agudu, Deus bos ponet pro iscudu, Contra su persighidore.
6 - A s' Ecclesia su tiranu Cherfesit ponner in terra Ma bois cun arma e gherra Semp~r li desti sa manu Prima d'esser cristianu De sa fide difensore.
7 - lte faghistis e cantu, Sende cristianu e fidele Si sende ancora infidele Pro Issa faghistis tantu! Sos Santos bos giaman Santu E dignu de tantu onore.
8 - Non de attarzu, non de ferru Si non de cristianu zelu Bos hat armadu su Chelu Contr' a furias de s' inferru Pro confusione e disterru De su barbaru furore.
9 - De cussu pettus sa brama Cun consizu piùs che umanu De s'infernale arianu Bettesit abba a sa fiamma Mai deet ponner sa fama Silenziu a tantu valore.
10 - Cun tant' ardore e piedade s'idolatra bos miraiat E cun issu si occultaiat Sa vana gentilidade, Torrende sa libertade A sa fide de su Signore.
11- Bois alzestis pinnone In s'alta Sedia Romana Pro chi in sa legge cristiana Creschesit sa religione Torrende s'adorazione A su veru possessore
12 - Ancora restan gravados De tanta piedade e esemplos Milli imperiales templos De tanta renda dotados, In onore fabbricados De su Monarca Maggiore.
13 - In premiu de tant'istragnu Valore in paghe, e in gherra Bos giamat como sa terra Santu Costantinu Magnu. Però in Chelu cumpagnu A s'Eternu Redentore.
14 - Isse reparesit su mundu Sende in d'una rughe isfattu De sa Rughe bos hat fattu Reparadore secundu Boghende de su profundu Sa Rughe a supremu onore.
15 - Su Signore bos hat dadu Cun fervore celestiale, 5' istendardu imperiale, Ch' ipse matessi hat portadu Alfieri bos hat lassadu De sa bandera maggiore.
16 - Anzis non tenet s'uguale Favore tantu esternadu Ch' in sa Rughe bos hat dadu Bastone de generale Nerzende: Cun custu signale « Dees bessire triunfadore».
17 - Sa chi bos desit Vittoria, Contra Massenziu tiranti, Como bos servit in manu Pro scettru de tanta gloria, Pignu de eterna memoria Pro su tempus benidore.
18 - S'imperiale ghione Sa corona imperiale Mustrat custu signale Subra dogni nazione, Ca cussa testa est pinnone Su chi innantis fit terrore.
19-Cun tantu cultu divinu ambos bessides a lughe Costantinu pro sa Rughe, Sa Rughe pro Costantinu gia'chi pro cussu camminu apistis de Santu onore.
20- Si sa vida ostra est zelu dae terra l'hat alzada Sa Rughe bos est istada iscala fin a su Chelu Cando su mortale velu Mudesit in risplendore.
21- Alzadu bos hat sa sorte Sa Rughe chi azis ornadu Chi s'imperiu hazis mudadu A sa celestiale corte; Oh avventurosa morte De eterna vida autore!
22 - In Chelu sedia tenides Da ue mezus mirades Pro tantas necessidades, Cun sa grazia chi faghides, Sos males nostros ischides De tottu rimediadore.
23 - Già chi Deus bos hat ondradu In sa Corte de sos Santos e cun miraculos tantos In su templu illustradu Su populu ostru amadu Bos pregat cun più fervore.
24 - Dae cust'alta prominenzia Mirade a tantos devotos Chi cun promissas e votos Bos dimandan udienzia; De sa finale sentenzia Non nos benzat su furore.