ed i suoi
POETI
ABATE ANTONIO MARTINO
La gonnella
Viju 'na nova moda, assai avanzata,
e nuju mi sa diri la raggiuni.
La saja ‘a tempi nostri è assai prezzata:
si cangia cu rifusu a lu cazuni.
La donna, chi da Ddeu fu destinata
serva di Adamu, diventau patruni,
e ll'omu, diventatu na patata,
‘nci sta di sutta comu nu cugghiuni.
L'anticu si sustinni cu riguri
cercandu la mugghieri servicedha,
mo' v'ju ca la donna fa d'atturi:
la mugghieri mu pista lu martedhu.
E' veru ca ragazzu, lu Signuri,
a Cana si la misi la gunnedha,
ma grandi cchiù non fici sti figuri:
perciò risuscitau, di poi, in pannedha.
Mo' oji nudhu leji la Scrittura,
mu sapi quantu Cristu seppi fari.
La Genesi, o cazzuni, vi assicura
ca notti e jornu supra aviti a stari.
Mo’ l’omu è donna, è vili servitura,
E oe’ cchiù pena sua non po’ parlari:
Si parla abbaja, e poi jestima l’ura,
Quandu li cauzi soi vozzi cangiari.
Fu la cazzuni sempri valutatu
ma mo’ no vali cchiù di na cinquina:
tandu era nettu, e mo' chi fu pisciatu,
puzza di stoccu vecchiu e di tonnina.
E l'omu chi si misi, sciaguratu,
la saja, la suttana e suttanina
di la mugghieri veni dominatu,
stenduta comu viscu o ciavurrina.
E' chistu l'omu odiernu ‘ncivilutu,
chi vanta libertà e filantropia?
Oh cauzi! Oh saja! Oh tempu!
Omu avvilutu!…
Suggettu ‘a na pisciazza... Uh porcaria!..
