A GALATRU

Ettore Alvaro

Arzira 'natra vota mi trovai
cu ttia, cotraru, e cu la fantasia
vitti 'i vinedhi, 'i casi e t'abbrazzai
cu tant'amuri, gioia e nostargìa.

E mi rivitti quandu la matina
ntinnava 'u campununi di la scola
e jeu partìa, di libbra 'a burza china,
assemi ê me' cuggini Peppi e Cola ...

jocaru ô scupettolu, â mmucciatedha,
ô sùrici, ô piroci, od azzidhandu
cu, passandu davanti â funtanedha,
poi si ncazzava e mi jìa currijandu ...

fujìri assemi, sempi acccalurati,
p'ê strati cu 'i cuggini e cu 'i cumpagni;
ed arrobari pèrzica, graniti,
lettuchi, arangi, nèspula, castagni ...

Mi vitti ancora arretu ê pricissioni,
fari di lu Carvariu la nchianata;
jìri nt' ê chièsii 'a festa, a li funzioni,
e stari comu sarda ncugnattata ...

poi nsonnicchiatu, â fini d'ogni festa,
aspettari 'a dispira di li spari.
E s'era stancu e mi dolìa la testa,
no' mi mportava: mi l'avia gustari ..

Chisti, e tant'atri fatti mi passaru,
arzira, ntra la menti e 'a fantasia ...
E se pe' pocu jeu tornai cotraru,
fudi penzandu a ttìa, Galatru mia!