POESIA

 

 

Gagliato in the World

 

 

HOME PAGE

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 Natala ‘e na vota

 

 

Ciaramédha chi sùoni luntànu,

‘u ‘ndriùolu1 mi porta l’accùordi,

io t’arrìcchju ‘ntro sùonnu e tu chjanu

mi risvìgghji i mia duci ricùordi.

 

Ascortàndu ritùornu cum’era,

ca mi spira ‘a tua bella armunìa,

guagliunìedhu alla luci ‘e lumera,

cu Gesù, San Giuseppa e Maria.

 

‘U prisìepiu accunzatu guardàva,

addubbàtu cu frunda e ‘rangiàra,2

‘a fhamìgghja chi tutta pregàva;

menzannòtta vidìvu arrivàra.

 

Si passàva la sira cuntàndu,

ni pigghjàva alli vùoti u matinu,

risvigghjàtu stacìa ‘nzina a quandu

‘on nescìva ‘u Santu Bambinu.

 

Oja ‘a fhesta ‘e Natàla cangiàu,

non è cchjù chidha ch;era na vota,

ca lu tìempu fhelìci codhàu,3

‘a sirata ‘on si passa alla rota.4

 

Mo’ si penza surtantu u si mangia

‘u cinùni cu dùdici piatti,

cu’ ava fhami e cu’ suffra s’arràngia,

‘u suvìerchju si jetta alli gatti.

 

‘Ntra sta sira de fhesta grandiùsa

nudhu penza o mistìeru profhundu,

allu fhigghju dei matri amurusa

ch’è venutu a sarvàra lu mundu.

 

Ciaramédha chi sìentu luntanu,

avvicìnati e resta cu mia,

sona ancora e pua fhammi cchjù chjanu

ritruvara l’antica magìa.

 

Francesco Pitaro

 

(Dialetto di Gagliato)

 

 

(1) L’australe

(2) D’arancio

(3) È tramontato

(4) La ruota del braciere

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

© Copyright by L’altra Calabria

Registrazione: Tribunale di Catanzaro n° 15/91 del 18 Gennaio 1991

www.laltracalabria.it

All rights reserved ™ International copyright secured