POESIA

Gagliato in the World

HOME PAGE

L’allergia

A fhùria u passa e spassa supa ‘u corsu,

avanti a la cchjù vecchja libreria,

‘nu profhassori ‘e ‘mpàcchju ‘u misi scorsu

malatu catta e non sapìa ch’avìa.

‘Nu jùornu si recàu ô pronto soccorsu

u po’ vidìra ch’è ‘sa malatìa,

convintu ca dô libru ‘on c’è concorsu,

pecchì dhà intru mancu cci trasìa.

Appena ‘u visitaru ‘on cci fhu cura,

l’analisi parraru fhorta e chjaru:

«Allérgicu a li libra e a la cultura!»,

dhi dìssaru pô prìeju dô scarparu.

E mo’ tornau ‘e nùovu ‘mu misura

‘u corsu supa e sutta ‘e Catanzaru.

Vincenzo Pitaro

Cenni biografici dell’Autore

(1996)

Metro: sonetto. Schema: ABAB, ABAB, CDC, DCD.

Registrazione: Tribunale di Catanzaro n° 15/91 del 18 Gennaio 1991