INIZIO
PAGINA Mileno Bellesini
El fontanin el se lamenta
L'è vera che me lamento en poco, direa che son
quasi rabià,
parché quei da Villafranca i ma quasi tuti desmentegà.
L'è vera che par vegner da mi ghè la strada en
po' streta,
ma si sempre vegnui a flote, a piè o al massimo en bicicleta.
Quanta gente è vegnua a bea la me acqua col
citrato,
che la te netàà le buele come quando te sere pena nato.
Lo sò che no son mia conosuo tanto, e par questo me lamento,
ma se vegnì solo par sporcarme, lasseme col me tormento.
La me acqua lè sempre stà pulita, fresca e trasparente,
e da le me bocare hà sempre beuo tanta ma tanta gente.
Dopo è rivà l'acqua minerale e da tanti son stà abandonà,
penso che i gàà paura che la me acqua la sia tuta enquinà.
No ven pì gente a meta en fresca angurie e moloni,
ghè solo dei buteloti col motorin che i fà i fracassoni.
E mi quando vedo stè robe, me ven adosso rabia e malinconia,
parché me ven mente quando vegnea la gente piena de alegria.
Quela gente, che anca alora la gaea problemi e tormenti,
ma bastàà na rinfrescadina de la me acqua,
par vedarla felice sensa lamenti.
Mi me lamento dalbon, con tuta l'anima e con tuto el cor,
gò bisogno de la vostra compagnia par riciapar splendor.
Spero che me perdonè se me son sfogà en po' con tuti,
ma no ghe la fasea propri pì a sentirme el posto dei rifiuti.
Anca mi gò bisogno de essa tratà ben come en butin,
e se cosi el sarà,
me sentirò de essa ancora par tuti el vostro fontanin.
Villafranca, 10 gennaio 1988
