MÉGU MÉGUN

E mi e mi e mi

e anâ e anâ

e a l'aia sciurtî

e suâ suâ

e ou coêu ou coêu ou coêu

da rebellâ

fin a piggiâ piggiâ

ou trén ou trén

E 'nta galleria

génte 'a l'intra au scûu

sciórte amarutía

loêgu de 'n spesiá

e 'ntu stréitu t'aguéitan

te dumandan chi t'è

a sustansa e ou mesté

che pe' liatri ou viaggia ou nu l'é

poi te tucca 'n pùrte lepegusu

e 'na stànsia lûvega

e 'nte l'âtra stànsia

ê bagàsce a dâ ou menû

e ti cu'na quae che nu ti voêu

a tiâ 'a Bibbia 'nta miàgia

serrâ a ciàve anche ou barcùn

e arensenite survia ou coêu

Uh mégu mégu mégu mè mégun

Uh chin-a chin-a zû da ou caregùn

'Na carega dûa

nésciu de 'n turtà

'na fainà ch'a sûa

e a ghe manca 'a sâ

tûtti sûssa résca

da ou xatta in zû

se ti gii 'a tèsta

ti te véddu ou cû

e a stâ foêa gh'è ou repentin

ch'a te tûcche 'na pasciun

pe 'na fàccia da Madònna

ch'a te spòsta ou ghirindùn

ûn amù mai in esclusiva

sémpre cun quarcòsa da pagâ

na scignurin-a che sùttu â cûa

a gh'a ou gàrbu da scignuà

Uh mégu mégu mégu mè mégun

Uh chin-a chin-a zû da ou caregùn

Uh!...che belin de 'n nolu che ti me faiésci fâ

Uh!...ch'a sùn de piggiâ de l'aia se va a l'uspià.

E mi e mi e mi

nu anâ nu anâ

stâ chi stâ chi stâ chi

durmì durmì

e mi e mi e mi

nu anâ nu anâ

stâ chi stâ chi stâ chi

asùnáme

Uh mégu mégu mégu mè mégun

Uh chin-a chin-a zû da ou caregùn