Venecia Katolika Esperantistaro rakontas al vi la
Jubilea Pilgrimo al Venecio
okaze de la
Internacia Festivalo de la Esperantista Junularo
Paska Semajno, Venecio 21-23 aprilo 2000
Dum la Sankta Semajno du grupoj de junaj esperantistoj pilgrimis tra Venecio, akompanataj de volontuloj.
Vendredon la 21an de aprilo
la Jubilea Pilgrimo havis ekumenan karakterizon, por montri
la akcepton de la venecianoj rilate al cxi-tiuj gejunuloj
alvenintaj el la tuta mondo kaj do je malsamaj religioj.
La unua etapo estis en la baziliko de la "Resanigxo", kie
kunlaboris skolta Paolo De Rossi, doktorigxonta pri arkitekturo,
kiu ilustris la strukturon de la pregxejo. La grupo analizis
speciale la tolon pri Pentekosto de Tiziano, cxu pro la granda
intereso de la partoprenantoj, cxu pro la rilato de la signifo
esprimita en la verko, tio estas paroli je lingvoj: homoj
diversaj laux raso kaj laux lingvo, kiuj mirakle povas komuniki
kaj komprenigxi reciproke. Temo kara, tiu, al esperantistoj,
kiuj spertas paroli kun homoj de la tuta mondo kaj komprenigxas
facile. La alia etapo okazis en la ortodoksa baziliko de Sankta
Georgo de la Grekoj, kie la pastro arkimandrita Polikarpòs
Stravroloupòs priskribis la pregxejon (ecx ne konata de
multaj venecianoj mem) sed donis ankaux klarigojn pri la
ortodoksa rito.
Sabaton la 22an de aprilo
alia grupo pilgrimis al insuloj de la venecia Laguno. En Torcello
kondukis plenkompletan klarigon doktorino Gxiovanna Ambrosetto,
kiu priskribis la bazilikon kaj la mozaikon de la Lasta Jugxo,
profesie kaj kompetente. La grupo de 50 gejunuloj haltis en
Burano, por libere rigardi la cxarmajn tipajn dometojn kun
buntaj muroj. Poste pluvojagxis al Murano, kie estis atendata de
doktorino Anna Zecchin, kiu tre vigle kaj entuziasme priskibis
la bazilikon de San Donato.
La Paskan Dimancxon
la gejunuloj partoprenis la Meson en esperanto, celebratan de
Sacerdoto Gxianni Forestan el Verono, en la Festivalejo en
Cavallino. La knaboj kiuj gxis antaux du tagoj ne konis sin
reciproke, formigxis belan harmonian koruson, helpate de gitaro,
akordiono kaj tamburino, kaj prezentis al Sinjoro siajn pregxojn,
preparitajn aux spontaneajn.
Lundon la 24an de aprilo
okazis simplan ekumenan pregx-renkontigxo.
La pilgrimo, la pregxoj kaj la Meso en esperanto estis preparitaj de la Venecia sekcio de IKUE, kontaktebla cxe Paola.
Estas festivala tradicio ke la lastan tagon oni surscenigu skecxon pri la pasinta semajno. Post kelkaj humurajxoj, kantoj, skecxoj, germanoj kaj hungaroj mokis la italajn estraranojn de la festivalo, kaj trafe imitis la karakteron de la gvidantino kun flago, aux tiun de la neitalaj ekskursanoj kiuj faras kion ili volas. La gejunuloj memorigis tiujn tagojn laux fantazia kaj agrabla interpreto, ridigante gxis larmoj la publikon.