|
Pedena e la sua gente
Filastrocche pedenesi
| Indice |
[Bepi Zdrepi]
Bepi Zdrepi
sta sul fien
fa la guardia
a chi che vien.
Se vien la sua morosa,
ghe dà una bela rosa.
Se vien i sui parenti
ghe dà co' i rastrei pe' i denti.
[el can]
A la una el can se alza
a le due el buta su
a le tre el fa cafè
a le quatro el diventa mato
a le zinque el fa le pinze
a le sei el conta i schei
a le sete el fa le barete
a le oto el meti el pan in goto (Var. a le oto el fa fagoto)
a le nove el neta le scove
a le diese el fa scorese
a le undise ghe sona l'avemaria
a le dodise el diavolo se lo porta via.
[Piero (Piero Huljovica o Holjovica)]
Piero bel Piero
scatola de fero
scatola de piombo
Piero xe un bel colombo.
[per i bambini, la si diceva muovendo in circolo la punta dell'indice leggermente sul palmo della mano del bambino, dando sempre sul palmo della mano alla fine uno schiaffetto]
Ghirin ghirin gaia
Martin su la paia
paia paieta
ciapa una s'ciafeta (Var. s'ciach una s'ciafeta).
[Din don]
Din don campanon
tre sorele sul balcon
una la cusi, una la taia
l'altra la fa capei de paia.
[Vecia va cior aqua]
Vecia vecia va cior aqua.
Dove xe sta aqua?
I lupi la ga bevudo.
Dove xe sti lupi?
I ga voltà la strada.
Dove xe sta strada?
La neve la ga coverta.
Dove xe sta neve?
El sol la ga scuaià.
Dove xe sto sol?
In casa de nostro Signor.
[una piccola parodia delle musiche che si suonavano alle feste]
Eh ioi ioi ioi
se vignivi prima
magnavi polenta e fasoi.
|