Napule è mammà

Mentr’a notte saluta ‘sta città,
‘nzieme a mme’ sta curcato nu raggio ‘e sole,
e accummenciano a fa rummore tutte ‘e voci ‘e chistu quartiere
addò ‘a gente fa ‘a spesa pe sparagnà.

Tutto chest’appartene pur’ a tte’ ca partiste ‘na vota
pe ghi luntano, e ‘o Vesuvio cu Margellina sulo
‘ncopp’a na cartulina
quann’ ‘o friddo è cchiù forte te po’ scarfà.

Pure tu nun te truove luntano a ccà,
pure tu si ‘na parte ‘e chesta città.

Saje parlà comme parlano chilli llà,
ma si sempe napulitan’, tien’e sorde e si puveriello viene ccà
nun fa suffrì a mammà, sta malata forse Dio sa vò piglià.

Te mette sempe dint’a na preghiera
che dice ‘a sera primma e s’addurmì,
e zittu zitt’ chiagne dint’o scuro
pecchè tu nun ce staje si po’ murì.

No, tu nun te può cagnà, vienetenne n’ata vota ‘e casa ccà,
perciò, te prego, nun pensà a nisciuno
e chi cerca e te fermà nun è cchiù importante:

Napule è mammà.

So passate 10 anne ca staje llà
e stu tiempo t’ha dat’ ‘na ‘nnammurata,
e stu core napulitan’ le vestuto cu n’atu bene
pecchè loco ‘o geluso nun se po’ fa.

Pure a tte’ chistu sole te vò scetà.

Viene ccà dint’e cose ‘e tant’anne fa.
Nun pensà ca è difficile a riturnà:
truov’a forza ca già ‘e tenuto
comm’a quann’ te ne si ghiut’ viene ccà.