Bella canzone mia

Senza nisciuna cumpagnia
ritorno stanco a’ casa mia
e pe’ nun fa’ scetà ‘e ccriature
arapo senza fa’ rumore
ma ‘o cane sempe vo’ pazzià
Parlo sulo io pe’ dint’’o scuro
ca voce rotta d’’e canzone
scave pe sotto 'a nu cuscino
nun trov’ ‘a giacca d’’o pigiama
Carmela s’è addurmuta già

Sent’ a tte
bella canzona mia
sempe tu pe’ dint’ ‘a capa mia
musica e parole nove tremmane ‘e paura
si dimane io canto e nun ce sta nisciuno
pecchè cchiù nisciuno se ne ‘mporta ‘e me

Ma pecchè
bella canzona mia
vuo’ pazzià
che’’e sentimente mieje
forse stammo troppo stanche pe’ parlà stasera
va’ dint’’o pianoforte e scitame dimane
‘sta nu sacco ‘e ggente pront’ a’ ce aspettà…