Una Suttaprefettu de Lanusei, hat boffiu visitai una borta is Comunus de su
Circondariu su. Capitat in sa bidda de Desulu, e cussa dì , po cumbinazioni,
non ci incontrat su Sindigu, chi ,si comenti fiat pastori, in cussu momentu
fiat in cuili mullendi is brebeis.
Mandant’a ddu zerriai po ordini de su Suttaprefettu, e chi non essi mancau de
bennì. Si comenti su quili fiad’accanta, in pag’ora nd’est benniu. E si bit
presentai a nanti unu bell’omini, artu, anzianu, cund’una bella barba manna,
bianca candida, comenti unu Mosè, a mazzocca in manus, a gorteddu in sinzu, a
bestepeddi longa piluda, fin’a pesi, a bùggia, e a berrita longa in conca.
Fait un’inchinu e unu saludu a su Superiori e a cuddas personas de su seguitu
…
Biendiddu bestiu in cussu modu, su Suttaprefettu, bolendu fai su ciascheri,
ses boffiu ispassiai e hat circau de ddu pigai in giru .. e ddi narat
-Come fatte voi a radunare le vostre pecore per mungerle, signor Sindaco?
-Di feus is sulbios a folte, a tottu cantu andare, - hat nau su becciu – e i
bestias ca cumprendent, current luego a su cuile…
Oh! E fatemi un po’ sentire come fischiate? – aggiunse il Sottoprefetto.
Su Sindigu-pastori ha cumprendiu sa picchiada, e non s’est’arrisentiu nò
…s’hat postu dus didus de donnia manu in bucca … e hat surbiau … ma a pagu a
pagu …
Ma no, Signor Sindaco, fischiate forte come quando chiamate le vostre bestie
–
insistette il Sottoprefetto, mentris is personaggius chi portad’in seguitu,
non podiant’aguantare de s’errisu
-Ecco, Signor Prefetto – hat arrispostu cuss’omini becciu rispettosamenti: -
noso pastores, sulbiaus a folte, cando i bestias funt’a illalgu ma cando
ddas poltaus annante, sulbiaus a pagu, po ddas faere abbarrar’a chiettas!
Si narat, chi a i custa risposta, i signoris de su seguitu no han’errissiu
prusu, chi sa facci de su Suttaprefetto hat cambiau colori pariccia bortas, e
chi non hat cretiu prusu opportunu de fai ateras ispiegazionis riguardu a su
modu chi usant is pastoris Sardus candu zerriant is bestias in soro!
In breve : una storiella appartenente alla raccolta di
Signor Molle