Si narada Serafinu Demontis e teniat su Casottu in regioni Occili, dipendenti
de sa Stazioni ferroviaria de Bau Desulu. Sa mulleri , Bellanna Atzori, unu
merì – comente su solitu- fiat sezia in su liminargiu de su Casottu, cosendi …
-Nara Umbertu – ha nau a su fillu, unu picioccheddu de dex’annos – bai de
pressi e serra su cancellu chi est po passai su trenu: s’est intendiu su
fischiu accant’e sa Stazioni …
-Sissi, mamma …
-E tui, Iolanda, aizza su fogu unu pagu e poni a callentai su poddini po is
puddas … non bollas a ti ddu nai! …
-Gei d’happ’acciuntu linna, sissi …
Nara Giuanna: a und’est’andada Mafalda? …
Est’andada a portai una marighedda di acqua po babbai ch’est traballandi in
sa linea
E tui Maria, arzia a susu, e cala una crobedda de patata, e cuminzadda a
illimpiai, gei t’aggiudu deu candu accabbu custu zugu de camisa -
Mammai!cudd’arrugu de casu, non c’est prusu in ‘armadiu. Cuss’est cosa chi
nat pigau Umberto e si dd’hat pappau a solu – hat nau Iolanda.
No est beru, mammai: ..Nde dd’hat pigau Mafalda candu ha portau sa
marighedda ‘e s’acqua a babbai … dd’appu bista deu … pappendisiddu!
… -Atturai chiettus fillus meus? … fendusì sa spia s’unu cun s’ateru! …
-Candu benit babbu nottesta, hos fazzu donai una bella surra, e gei ddu
scieis, cantu issu si nci ponit, arroppat de aderu mì … cun su carattiri chi
tenit … massimu impisilau de traballu!
Appenas furria su babbu de su traballu e intendit is murrungiu e su motivu
de su treulu, d'is hat donau una bella surra comenti si depit, non po su
valori de su casu - chi non baliat sa pena - ma po essi fattu sa spia s’unu
cun s’ateru … (chi veramenti est sa peus arti chi nci siat! …) e nci passant
tottus: principessas e principinus: Umberto, Iolanda, Mafalda, Giuanna e Maria
Francesca! E mancu mali chi a sa mulleri non ddi naiant Elena, altrimenti nci
fiat passada sa Regina Imperatrice puru!..
In breve : una storiella appartenente alla raccolta di
Signor Molle