Pesaesinde dolos: Cardiae ,su matrimoniu imponet a is coniuges s’obbligacione de sa coabitazione, de sa fidelidade e de s’assistencia.
Su pobiddu est capu ‘e sa familia:
sa pobidda depet sighire sa condicione civile de cussu; est obrigada de di ponn’iffattu, in cale si siat logu ci cred’opportunu ‘e signalare sa residencia sua.
Su pobiddu est in dovere de cardiare sa pobidda; de dda tenne sempre a su costau; de ddi passare is alimentos; de ddi somministrare su estignu, in proporcione de i sustancias suas.
Sa pobidda est in dovere de nordigare a i cussu, cando non tenet mancu istilla.
S’obbligacione ‘e su pobiddu de nordigare sa pobidda, cessat cando nde dda ciucat de omo e andat a pertias trottas, cando est affartada e non bolet torrar’a furriadorgiu: tando mancari arrecurgiat ddi faent cugucciula, ca s’Autoridade giudiciaria in cussa circustancia, ordinat de non ddi hare sa porcione sua es beru puru!
Nara tue Soboi Cianda, oles a pobidda isposada a Caica Picceri innoe presente? Ei, gei dda oxo.
E tue Caica Picceri oles a pobiddu isposau a Soboi Cianda? Ei, gei ddu oxo.
S’Officiale funcionante de s’Istadu Civile in numen’e sa Legge bos dichiarat unios in matrimoniu- Como bona foltuna e unu piccinneddu mascu.
Como cicielbosi!