STELUTIS ALPINIS

Testo e musica di Arturo Zardini

Se tu vens cassù ta cretis

La che lôr mi àn soterât,

al è un splàz plen di stelutis:

dal miò sànc l’è stât bagnât.

Par segnâl une crosùte

jè scolpide lì tal crèt:

fra chês stelis nàs l’erbute,

sòt di lôr jò duâr cuièt.

Cjôl su, cjôl une stelute:

jè a ricuarde il nestri bèn.

Tu i darâs une bussadutte,

e po’ platile tal sèn.

Quant che a chjase tu sês sole

E di cûr tu preis par me,

Il miò spirt atôr ti svole :

jò e la stele sìn cun te.