SALSA VIVALDI

Cheste interessantissime e utilissime ricete le ha inventade un me grant amì di Codroip.

E jè fate nome cun prodòs estîfs dal òrt e si po’ doprale dùt l’àn (forsit miôr in unviêr, quant che scarseggjn les verdures).

Si le dopre in tantes manieres, sia come semplic condimènt pe pastessute, oppûr gjontant une biele sedòn tai sugos, tai arrosc e tai ùmis, tes mignestres e tai mignestròns, oppûr doprale par fa el sofrìt quant che no si ha i ingredièns.

INGREDIENS:   (sufficèns par jemplà qualche vasùt; par vent di pui, aumentà les       doses comunque simpri in te sottoelencade proporsiòn)

1 etto di basili

1 etto di sedino

1 etto di prezzemul

1 etto di sâl fin

2 ettos di cevòle

2 ettos di carotes

mieç etto di ài

un pôc di rosmarìn

PREPARASSION:

Dopo vè lavât bèn les verdures e son di masanà fines e messedales cul sâl in une terrine.   Lassait polsà par une sornade, messedant ogni tant par che si disfi e messedi bèn el sâl.

Dopo si invase e cuviergi cun un fîl di ueli.

Nol covente tignì tal freezer, parceche el sâl lu conserve ancje par 2 ains in cantine o tal frigo.