Augusto
Morselli
AL
MORT IN DL'ARMARI
giallo
nostrano in dialetto mantovano
in
un
atto e due tempi
1983
personaggi :
Artemide il maestro |
|
A |
Nilde |
sua moglie |
N |
Mariuccia loro figlia |
|
M |
Camillo |
suo marito |
C |
Busetta Cesco un cliente |
|
Bm |
Busetta Antonietta sua moglie |
|
Bf |
Infelici Felicita una cliente |
|
I |
Pampuri Piero un cliente |
|
|
detective privato |
|
P |
L'azione si svolge ai giorni
nostri
La scenarappresenta una stanza
divisa in due da un velario scuro.Nella parte posteriore un angolo cottura, e
passaggi per le stanze, nella parte anteriore un tavolo al centro, dove
Artemide fa le carte,sulla destra ben visibile un armadio a due ante una parte
completamente libera tale da ospitare un uomo in piedi, nella parte opposta,
Artemide deposita i suoi armamentari: candele, incenso in bacchette,le carte
l'ampia vestaglia scura e quanto necessita.La scena nella parte anteriore e
dipinta in colore scuro come il tendaggio, nella parte posteriore è bianca come
la cucina.Porte praticabili,campanelli, telefono, radio e quanto necessita.
I°
tempo
Bm alora, maestro?
A Bisogna ch am concentra, caro, a gh vol
pasiensa:Pazientare
vedal? al caval l'è gnì a cul in su,e
alora a gh 'è quel ch a và a la
sversa
Bm a gh l'ò dit ch l'è propria par via a dl'e moroidi
A ò capì, sdes silensio! ahi, ahi ahi
Bm a gh i al anca lù maestar? parchè a gh l'ò sa
dit, mi, anca anca am pasi
via, ma gh è dle volte da not, nè, mi son lì ch a dormi quand(urla, in genere quando imita il dolore urla sempre)ah!!!an dolor ch
am s'acapona la pel,al varda al varda pura
sol a pensaragh,al varda, as podres mia inpisar quel, a gh è an scur, ammè fal a lesar...alora a gh a dsea..
A oh,oh,oh, ma 's pol mia disturbar al maestar,eh,
insoma, a lù agh vegn da chi dolor
ch al ma squaia, po' a gh è mia luce bastansa,volal
tasar o no? altrimenti chi è ch a les le carte?
Bm mì gh ò sol dit ch as ved gninte, e po' nè lù 'l è
al dotor a dla me anima e bisogna
ch agh diga tut, nè?
A ch al diga..
Bm cosa?
A tut
Bm eh, acsita dopo am dis sù parchjè a parli..
A va ben lasema star,mì vedi chi da le carte
che lù 'l è stà da tanti
dotor, el vera?
Bm sì ve' nè dunca, son stà d'an primari: operare e cinquantamilo; e
po' son dà da n'atar, e quel a fredo altri cinquantamilo,
A e cosa gh al guadagnà?
Bm tra quel a clad e quel a fred e quel a bagno maria
a gh ò guadagnà a dle canbiali; veramente
an qual gioran da malatia in
fabrica,però po' dopo i me coleghi i ma dsea: ti sì vè vh at gh è an bel....e
difatiAh, ah, ah,ecola vedal è drè ch am vegn
na crisi
A ferom lì!vardam in di oc ch at pasa
Bm (si calma)Maestro, basta ch av varda in di oc ch
am pasa tut,a sì mei di dotor anca parchè
am tolì da men
A sior Buseta andema avanti?
Bm al disturbi pù, maestar...
A vedo un sette di spade
Bm 'l è al macelaio
A sì an qualdun ch av vol mal,I vostar mai i
dipend propria d'an qualdun
ch av vol mal.
Bm vot mò vedar,nè, ch l'è propria lù?
A n'as da baston
Bm l'è al legn in dua al bat le bisteche,la sarà
anca par la fola
di os bus, degli ossi buchi
A parchè?
Bm ema brontolà par i os bus, i era tut os, poch
cicio e gninte bus!
A e lora?
Bm al m'à rispost ch agh s'era sà mì da buseta, s'am
ciami buseta a sò mia cosa faragh,
e po' l'à incomincià a toram in gir
par la mè malatia, al gh à vì parfin al coragio da diram ch'al m'avres curà lù al me disturb, col
smeriglio di sò cortei
A e alora??? concentriamoci, al meta li so man
ad sorvia a dle carte,
mì meti le mie dsvorvia tut e sentema...Cosa sental?
(salmodiando come il canto gregoriano)
Bm (rispondendo in tono) parfum da sofrit con sigole
rosmarin e pomdor..
A (urlando alla moglie che era apparsa con la
testa tra le tende
atteggiamento che mantiene
spesso)Nilde, smorsa al gas....
N (da dentro)e stasera da sena magnat di
stras????
Bm chì, parla anca i mur
A chì i parla tuti, l'è na cà magica,alora
anca par sta volta al toga stà polvrina
chi, par via orale, nè orale, al torna pura quand
a gh n'avrà ad bisogn e al vedrà che na qual volta sensa ch a snacorsa, agh faghi na cura
miracolosa, energica,però al gh avrà da
tasar e far gninte par tuta la seduta, sensa verar boca e sensa moaras, va ben?
Bm cosa agh vegn?
A quel ch al vol?
Bm anca gninte?
A ammè al vol...
Bm a schersava maestro, al tegna con tuta la me
riconosensa,a rivederglielo
e ossequi alla sua signora
A (lo accompagna , si spoglia e apre il
tendaggio)con la mè riconosensa...
N men riconosensa e pusè besi,vè, ma parchè a
fet mia na tarifa fisa ammè tuti
chi atar?
A chi atar quand a ria i client i gh à
l'anticamara, i gh à la governante,
chi la ciama maestro, mia ammè tì cha ta sbrai: Artemide....agh n'è n'atar!!!
N cosa gh avria da dir Maestro un altro
cliento...
A certo at gh avresio mia da far al sofrit
con le sigole intant ch a son in seduta
N ma sa gh è sol na camara e po' ch l'armari
lì ch al ciapa mna mucia
da post
A gh è dentar la me roba
N la tò roba: senti che spusa d'incens, a par
d'esar an funeral
spusa d'incens, tut scur e candele
inpise
A oh NIlde varda che con incens candele inpise
e scur chi as magna!
N sa t'esi laorà ammè tuti chi atar ades at
saresi in pension e saresom
sicur
A sicur da morar da fam, coi vent ch a
tira,intant a sares senpar in gir
par cà a tinonar, palid, patì, sensa nisuna sodisfasion,
a spetar da petarsò i os, insoma a sares senpar in mesa a le santisime, invece
N invece at sè senpar in mesa listes,e par
sonta tut sarà,e ferma lì, sensa fiatar,
e mia ridar a sentar tute le stupidade ch
at disi e po' quand a gh è mia d'andar in gir a savatar par scoltar tuti i bagolos...
A quela l'è la roba ch at pias ppusè,in gir
par Mantua a sentaran
da cote e da crude. Bisognarà ansi ch at vaga a far spesa da caran d'al macelaio ch a nominava buseta, tal favi senpar anca quand a
staom al ghet
N e i la ciamava ghet quel là, pusè ghet da
questo! dò camare in quatar
e na cusina e po' parchè a tò fiola agh ria mia di putlet
A prima chi gh ria...mah...
N mah, cosa?
A mah, ò dit mah, l'am par mia contenta...
N a tal credi sò marì al laora tut al dì, e
po' dopo laorà al laora
ancora, al torna a cà da not strach mort
A e tì? e tì alora anca tì at sè mia
contenta???
N mi m' son datada, na volta la girava
acsì!l'è ades ch l'è canbiada,
ma mì con me fiola a gh ò parlà:bisogna ch la s'adata!
A sle 't sent le feministe l'et magna da
travers
N ma cosa volle ch le lì? an po' le gh à
ragion, ma le pol mia dventar
om, certo che con tì a ghò mia vì i problemi ch at laoresi tut al dì at sè senpar stà
disocupà....
A ma se par binar sù quel a son ndà anca volontari
in Spagna
N a sì t'è fat an bel afare..
A al'è mia stada colpa mia s'è fnì la guera
prima cha partes, in conpens
ò fat ch l'atra sensa ciapar gninte..
N quel a t'è ciapà..
A ò ciapà a dl'asan, Però, è stà là ch 'ò
comincià a lesar li carte.Am
son incort che a dmandar gninte sa ta ta sbagli it rid a drè, e basta, ma sa ta gh 'induini at
ria senpar quel ammè con
buseta, al gh à an disturb che sa n'as fà mia operar a gh pasa mia sens'atar, ma al gh à tanta paura che qualsiasi roba agh diga o gh daga agh va ben listes
N stà tenti a quel ch a ta gh dè
A l'è lat in polvar ma lù alla sà mia
N eral lat in polvar anca quel cha gh a fat vegnar al cagot?
A al mea mia dit ch al ghea la colite chal
sbroflon là,l'è mia stada
colpa mia
N mia colpa tua mia colpa sua stà tenti da mia
andar a star in via POma
A e dagla a dmandar gninte at cori mia
pericoi, e miceti sol oferte,
doni, an gh ò mia la tarifa aposta, at ricordat in guera?
N sì ch a ml'a ricordi a ta ml'avrè contada
almen dumila volte, par mì at sè
schlerotich.
A chi mì? agh n'è cha gh àl'arterio, tra an
po' igh metarà su anca
na tasa, ben insoma, quand al capocenturia a gha dsea ch 'avresom pers la guera lù am ridea a
drè,quand l'ema persa da bon lù, in
prigionia al ma slongava senpar quel parchè merit mio l'ea fat ora a sistemaras le robe in modo cha
risultava chl'era mai stà
fasista, e anca fin a poch tenp fa, quand am vedea
al sa scaplava da mat
N e ades a sa scapelal pù?
A sì, sì, ma da sorgot..
N el mort?
A per mancanza di respiro,(suonano alla porta)
và a versar va là Nilde
N maestro ancora il signor Busoni
Bm Busetta signora, busetta, ma a mì l'am ricorda an
qualdun..
A Ancora???(si riveste e richiude il
tendaggio)un minuto
avanti, ma và chi lù 'l è senpar chì!
Bm maestro al ma scusa, ma am son dismengà, an
particolar, parchè a sera drè andar a
casa da corsa,e par strada a son pasà davanti
a la maceleria, volea ndar dentar par ciarir le robe quand:(urlo)Ah!!!! ò fat an vers< e m'è gnì na crisi e alora am son dismengàmmè ghe
da tor la polvrina
A par via orale
Bm par boca?
A s'ò dit orale...
Bm ò ben capì, ma sì mia an farmacista a podì ben
diral anca ciar, par boca
A orale. altrimenti sà fos stà ammè le suposte
avres dit dietrale!
Bm mì, nè maestar a credi ch al ghabia ragion a gh è
an qiualdun ch am vol mal e credi
propria cha sia al macelaio, arvedaras maestro...però
sò moier la ià fà brusar le sigole, a mì l'am ricorda
an qualdun...(esce)
A Nilde!
N (aprendo la tenda) Oh!
A ma le sigole???
N stasera a ia magnema ala ponpeiana
A e cioè?
N brusade!
A dai dai ch a parcema la taola e sa vegn an
qualdun basta <sedute
N a sì, vè parchè versi e sera sera e versi
agh vegn le bocarole ala porta e po' sa
dà sòal fil a sema a post
A ades quand nostra fiola la gh avrà an fiol
cha canbiarema cà, a faghi an studi
csita fema anca le sedute spiritiche
N e no, vè! quel no, parchè l'em fa paura!
A a m'immagini sà la sena, am manca sol an
taol con tre ganbe
N no, al gh'è
A in dua el?
N callì al gh à na ganba sconpagnada a l'era
dla me povra mama
A la ganba?
N no, al taol
A alora agh manca na ganba par quel!
N parchè?
A parchè a slà dat volentera, parchè va là
anca lè bon'anima..
N l'at rinproverava sol da mia veragh an post
fis
A e dai mì gh ò mai vì an post fis ma v'ò
senpar amntgnì, tì , to fiola
tò padar e tò madar!
N me padar par poch,povret..
A e, ben ma lasa star che al barone as tratava
ben, vè, tuti i dì al'ostaria
a far la partyidina, i picolin, al toscan e po'
paga me senar, o in contanti o av les
li carte
N at fava publicità
A però am credea mia, gnanca quand a gh ò dit
che le carte le dsdea
:lu barone adman al lasarà da fumar, lù gh credea mia e'm rispondea: l'è pusè facil ch a mora...
N al gioran dopo 'l è mort!
A Ma gnanca la baronesa,veh, to madar: 'n om
sensa posision, a gh'è mia da
faragh fidamento, intant a l'ò mantgnida par quasi vint'ani, e fin prima ch la mores l'è anca senpar stada in vilegiatura e in di alberghi pusè bei
N beh, insoma in bele pension, a me madar agh
piasea la vita da clase.
A Ma va là Nilde ma qual vita da società a tò
madar a gh interesava
magnar ben e tant, an qual bel vestì e n so quanti gelati al dì,
N am par ancora da vedla, le sì ch l'at fava
publicità:la dsea a tuti ch at seri
al cartomante pusè mei da Mantva
M (entrando) In cla cà chì a forsa da incens
carte e stupidade as pensa
mai a parciar da sena
A l'è bela rabida
M ma come l'è bela rabida, a sgobi tut al di,
e po' a rii a cà a ora d' sena e
sema ancora in alto mare , a tal credi
N vè ora ch a t'è fat la docia a gh è bela
che pront
M sì dopo a ria an qualdun a faras le carte e
sema bela che sicuterat
N l'è al sò laor
M ma dai andema, al sarà mia an laor cal lì?e
po' al fares a men
agh sema mi e Camilo...
A ma sì, csì quand a sì stuf as dè na bela
psada in dal cul e as menè al
ricovero, ma no bela!
M ma se Camilo as sgoba dì e not anca par
uatar
N stà mia tirar fora a dle stupidade parchè
tò marì al laora parchè
agh pias
A agh pias pusè laorar che star con sò moier.
Vardam mì che par star con me moier ò mai
laorà!L'ò dit mì prima chi la diga chi atar...
M sì stà uatar a farmal maridar
N oh, stema mia tirar fora a dle tacade,
parchè varda a gh ò da ametaral,
che tò padar al ghea ragion, as sema senpar inpost da mia versar boca e pociar al nas,e gh ò da dirat ch ò
fat fadiga
A a fava lòe carte par vedar cosa sucedeva,
però em mai dit gninte
N sì, propria anca quyand...e po' varda l'è
mei ch a diga gninte
M e no! ades at parli
A ma digal pura, tant mì a son mia bon da far
le carte giuste, pol anca daras ch
am sia sbaglià
M insoma as pol saver?
A gninte in sal sinch ad denari è gnì fora al
re
M e lora?
A gninte dopo sinc ani da matrimoni, pien da
sodisfasion ed besi a vegn fora 'n
atr'om.
M magari, almen me marì as disgnocares fora
an po',sensa ofesa al par san Giusepe
N ma mia dir a dle stupidade, irispetosa, s'at
conpra tut quel ch at vò,at
lasa i tò besi e al sa sdelfa par tì..
M ah sì, ne? Ecol chì al sinch ad denari, ma
am porta mai al cine,
mai a balar, mai an gir in machina, altrimenti la sa sporca, las consuma, al gh à ancora i
celofan in si sedii,al gà
dò...
N dio, dio cosa am toca da sentar, quand na
moier la manca da rispet
al marì anca quand al gh è mia l'è an brut segn. Vardam mì, a gh ò mai mancà da rispet a tò padar anca sa sal sares merità, na qual volta, e po', mia
sol na qual volta...
A sì, parchè l'at conta mia quand la vegn fora
con la testa da la tenda ch
la ma spaventa i client
N parchè son curiosa, bisogna ch a ta
m'insegna na qual volta an sà mai ch a
t'at mala
A ma tò vè, am tochi i ...orece
M comunque ,è marì 'l è mia furob agh pias
pusè laorar
A ma vedat 'n om as sent realisà in dal laor
e bisogna ch al dimostra
ch l'è bon da<mantegnar la famiglia
M dimostrar ch l'è al capo!
A anca parchè l'è prerogativa a dl'om
M ecola agh sema uatar om a volì esar senpar
i capi, quei ch a fà tut
A t'at sè pena lamentada che tò marì at fa
gninte, sat fes quel s'at fes quel alora
at saresi sà drè brontolar contra l'inperialismo
maschilista dal let, ma vat a far benedir ch at sè mai contenta, at gh'è an marì ch l'è d'or! Va là ch a sema mia stà nuantar a fartal maridar,
at sè stada tì, a t'era gnì na
maridarolach at parei an bodin conpr quand a t'al vdei, anca parchè 'l era mia an brut putel,
e po' s'al gh à voia da laorar l'è
mia pecà!
M ma trascurar la moier sì!
N e ma cara ma ts'è tì ch at gh è da darat da
far
A varda tò madar da sovna, l'am ronsava
intoran senpar fino a chè
mi ha circonciso!
M ma va là papà, mia dir a dle stupidade, as
dis circuito
N ma va là circuito, a son mia la ferari, as
dis circondato, insoma
a gh ò fat la ponga , quel sì!
A e po' la m'à pù lasà!
N va là che d'istà at lasaa senpar quindas dì
ad par tì,che libertà,
neh!
A ah, sì, vè! propria!
N l'andava gnanca a let tò padar tut an drit,
at recuperavi, ne?!?
ma dio uatar om a sì tuti conpagn!
A mì, no, mi son republican!
M ti ta schersi senpar, papà.
A ma cara bisogna ridar ogni tant se nò la
vita l'è sol dispiaser
N at riferisat a mi?
A ma no, cara tì ts'è mia an dispiaser...,tì
ts'è na disgrasia!
N (facendo il mescolino) sì ne????
A ma va là ch a schersava, cosa gh'è d' sena?
N pastasuta, fartada con le sigole e insalata
coi sigolot!
A robina legera
M vaca mama, mì magni dal formai, varda ch a
t'ò tolt a dle ciliege...
A ma da sta stagion set mia cosa le costa?
Nilde dam al lapis e al notes, gh ò
mesa idea che stasera a gh abia da vegnar la signorina
M ma anca dop sena papà??
A oh, se an client al vol vegnar col scur, par
mia faras vedar mi a sò mia
cosa faragh..
M gh eom da torla pusè granda ch la cà chì.
A ch la cà chì, a sla data csì, l'IACP, parchè
mi a figurava disocupà,
con l'acento sula à e la vacà da main...
N cosa gh è ancora..
A a gh àò da vegnar anca Pampurio.
M e Pampurio el un nov?
A al gh à n'agensia investigativa, ma ogni
tant al vegn a faras lesar
le carte, altrimenti agh và mia a cò a dle facende,ades po' al gh à anca l'orsol..
N ma va tì che fat(suonano) ades sl'è an
client però agh dighi ch al
vegna pusè tardi(va ad aprire)
C sera maestro...
A ciao Camilo et fnì da laorar?
M ades al taca: eh, no, vè, a m'è restà indrè
an qual mesterolin
C eh, no, vè, a m'è restà indrè an qual
mesterolin..
M et vist ch al savea?
C ma ancora ch la fola?
M par forsa la canbia mia ch la fola, at fè
atar che laorar
C ben ma al faghi par ti Mariucia
M ma cosa par mi? ma sa laori anca mì, che
bisogn at gh è da laorar
acsita tant?
A anca parchè s'aumentema i rediti, i
s'aumenta anca l'afit con l'eco
canone
M equo canone papà equo
A equo, eco...
M eco l'è quel ch as<sent in montagna equo
vuol dire giusto
A sì giust: chi lor ad sota in trì cha laora
i à dichiarà uno, e i paga la metà
da nuantar, po' in garas i s'è fat l'oficina, e
i ciucia corente quand i taca al caricabaterie, e sa smorsa la luce in sl'asensor, ch am toca quasi senpar
da vegnar sù al scur
C insoma Mariucia chì l'è mei che na volta par
tute a ciarema al discors
M a gh è poch da ciarir a son la vedva bianca
N basta dir a dle stupidade e rispeta tò marì
M insoma mama, le robe tra mì e mè marì am
pias ciarirle sensa cha ta gh
poci al nas
N a mì? t'am disi a mì cha nagh pocia al nas,
a tò mama,ch l'à sacrificà
na vita par tì
A adio, ades la taca
N a tagh metat anca tì ades a daram contra?in
ch la cà chì mi son
la serva, eco cosa son, mai na sodisfasion e senpar sgobar, sensa riconosar gninte, e sensa n'atim da riposo
A ma sa t'ò senpar mandà in vilegiatura al
mare,in sle spiage pusè
bele, e pusè ala modacha t'am dsei ch a gh era anca a dle done sensa regipet
N e gh n'era anca a dla me età
A e quele le parea fate con la pastamatich!
N l'è inutil ch at cioli in dal managh et giri
al discors, mì a vaghi
ben par sgobar ma vedrì al gioran ch a mancarò...
A parchè in dua a vet?
N t'atnacorsarè anca tì, Artemide!
C (spazientito) insoma ades basta!
A oh, gioinot!calma! calma gioinotto! chi 's
dis mia basta e tanto
men a sa sbraia,insoma Mariucia lù in dal sò laor as realisa
M e mi no!mì a voi anca le sodisfasiona dna
dona sovna.
C cosa vot n'atr'om?
M agh sema at fè al gelos e at fè gninte par
so mia mì
A par circon...speta pura, ..per circuitarla,
insoma Camilo per piàcere
alle donne bisogna farle gòdere
C varda Mariucia, mì, par tì, a sgobi ammè n'
negar,t'ò tolt la pelicia
a gh ema na bela machina
M l'è senpar in garas
C ma 's pol mia discutar con tì, vot cha
conprema la television a colori?
M la vardi ad par mì, dopo?
N mi la vardares volentera..
C insoma a vot ch a lasa lì da laorar?
M ma chi t'à dit da lasar lì da laorar, al
fat al'è ch at pensi sol a quel
C al fagh par tì, par incoronarat regina dal
me cor
M e mi s'at canbi mia a t'incoroni con an bel
per da coran
A atenti Camilo che sle vol le done i tan fà
pusè che na sista ad lumaghe
N cosa set tì? a ti ontia mai fat mì?
A con tì? agh vol an bel coragio!
N vè, magon, varda che da sovna a s'era mia da
butar via,e po' quand
at seri in prigionia, cha savea gnanca sat fosi viv s'es volì
A e sa fos mia stà viv at sares gnì a gratar i
pe
C insoma fin cha sa schersa ben, ma chi
discors chì a ià soporti mia, varda
Mariucia che sa t'am dè ocasion da dubitar mi at tai al col
M ma senti an po' chi lù, al fà i sò comod e
po' am vegn a far l'Otelo
a mì: tegnam bona s'at vò mia ch at tradisa.
C insoma s'at vo mia ch a faga a dle stupidade
l'è mei cha tronchema stì discors
chì, uno al vegn a cà, dopo na giornada da
laor, e eco la mancia, mì, na vita acsì la soporti mia! a và a fnir che da bon a faghi na stupidada
M ma lasa lì da laorar, almen dop sena
C tì t'am fè dventar mat, al laorar l'è na
scusa, tì t gh'è d'averagh quel ch at
frula par la testa, tì vè. at vò faram sragionar,
stà atenta però, stà atenta a tì, parchè na situasion
dal genar a la soporti mia, e quand at sarà pasà le scalmane, at sè in dua cataram parchè mì, chi dentar,agh
torni pù!(esce sbattendo la
porta e si apre un'anta dell'armadio)
A ecola che bel cò 'd cavei, o chi per esso.
N dam quel da fort parchè am vegn al mancafià
A at pias le ciliege sota al cul?
M sot alcol, papà
N ma sagh n'è gnanca in cà
A Agh n'è.sa tat lei sù, però parchè ta ghi è
propria sota al cul
M senpar voia da schersar, anca in ste
ocasion(esce piangendo)
A fuori due! (guarda N.) e non c'è due senza
tre
N sensa prudensa e sensa cor, ma cosa gh et na
spana da pel in sla cosiensa?
vedat mia la soferensa da tò fiola?
A vedat mia la mia, ch a son sensa sena?
N e lè, sensa marì a gh a scometi ch'at
preferiresi esar sensa moier
che sensa sena
A chiediamolo alle carte
N ma vat a far benedir tì e le tò carte
A e la sena?
N admandagal a le carte(esce)
A e trì! Ma va che fat. Magnarò l'insalata coi
sigolot, ma è pront
ne un ne ch l'atar
N (da fuori)at pensi atar che a magnar ma
vegni a vedar tò fiola mmè la siga
A sbraia fort acsita al palas adman al savrà
tuti i nostar fat
N (rientrando) S'at vò saveral, a mì dla gent
a m'interesa gninte(piagnucolando)anca
lù però, dventar gelos dal dit al fat
A par n'om dventar gelos basta la scavariola
d'an pulach, e po tò fiola
andaragh a dir ch l'agh fà i coran, che testa
N am sares saltà le buscare anca a mì con an
marì dal genar
A ma se prima a t'adsei ch al laoraa par al sò
ben
N ma va ben tut e stà ben tut a gh al dighi
mia davanti a le, ma sa gh es an marì dal
genar avres bela che divorsià
A meno male che al tuo 'l è senpar stà an tipo
casalin
N anca trop
A ma alora at sè mai contenta, at vò propria
la bota piena e al marì inbariagh
N ecola la roba ch at posi mia rinproerar a
l'è al bear
A a posi mai bear gnanca a past
N quante volte a t'ontia inpedì da bear a
past?
A mai
N e alora?
A a t'am dè mia da magnar a sfidi ch a posi
mia bear
N dai va là ch at faghi la fartada, quanti ov
a vot?
A famm'n'an per
N con le sigole?
A s'as podes(suonano) sospendi Nilde! tira la
tenda e và a versar,
N vaca d'on diaol, che menada, ogni moment,
tira la tenda, versi la porta, avanti
signorina, maestro, s'accomodi
A eh, ma quante menade. agh vaghi mì.lasa
star, serat dadlà, e tegnat
pronta par la fartada(risuonano) arrivo!!!(si mette la vestaglia, spegne le luci, tira fuori
dall'armadio le candele, le accende ,
accende l'incenso e va ad aprire)
F Buona sera, signor?
A artemide, lei è la signorina?
F Felicita Infelici
A infelici da signora?
F no, infelici da signorina
A alora signorina la dventareà felice da
siora. Al matrimoni 'l è na gran
gioia, ed è una sorgente di soddisfazioni, Pensi
Felicita,posso
chiamarla così?
F ma veda lei...
A bene meglio Felicita che infelici, vede, ci
dicevo, che ne ò letti
tanti di matrimoni fortunati con le carte e ogni tanto, per via..
F Per via di cosa?
A per via, per strada vedonsi ancora sposi che si sbrassolano per salutandomi con stima o chi per
esso,(sente piangere e credendo
sia sua moglie dietro la tenda sporge la testa )chi è cha siga?
F sono io, Aristide...
A artemide, ma non stia li piangendo,
signorina che adesso fasiamo le carte e
ci troviamo un buon partito anche a lei
F ma non piango per quello.
A per questo o per quello , per quéllo
piangeva, insoma par quel la siga
F vede signor Aristodemo, io sono venuta qui
per un altro motivo
A ci dica
F sono venuta di sera perchè mi vergogno
A da mi? alora a m'ofendi...
F no, no, mi deve ascoltare la prego(si sente
piangere)
A (dolcemente)non pianga adesso, sù, non
pianga più..
F ma ades a son mia mì ch a siga
A (esce dalla tenda seccato) alora done lasè
lì da sigar???(rientra
dolce)mi dica..
F ho un'atroce sofferenza.
A l'am diga tut
F prima deve dirmi lei una cosa: se uno non
crede riesce ugualmente
la lettura?
A ma certo signorina le carte a iè mmè la
boleta adla SIP nisun agh cred e
tuti i ià paga
F vede io ho due sofferenze
A prima l'era una ades a iè dò
F veramante a iè trì
A (come l'imbonitore al mercato)mmè al marcà
al gioedì: non dico uno non dico due ma
dico tre. Comincema alora signorina felicita,
che al mond l'è bel el speta atar che d'pesar visù, volentera e le modestamente l'è in bone man,
la me famiglia la viv in dla serenità in
dla tranquilità e in dl'armonia(si sente
piangere lamentosamente e allora ucsendo con la testa)Alora la piantev???
M-N-(da fuori
urlando-piangendo) Ma sa fiatema gnanca...
F mi scusi signor Archimede ma sono io...
A artemide. ch l'am diga signorina Felicita,
ch l'am diga...
F comincema dale soferense corporali: ho un
sacro fuoco...
A volla dventar suora?
F ma no, il fuoco sacro l'herpes zooster..
A ò capì, la la podea dir subit, l'erpes
soster,ah, coglionbrici,
ò curà pusè erpet soologici mi che dat multe òla vigilesa in piasa, quela noa, e sì ch
l'an dà....
F vede signor..
A artemide
F Vede signor artemide, ho provato tanti
medicamenti, ma non c'è niente
da fare,inefficaci
A ha provato, i fumenti lattici?
F i fermenti, vorrà dire? ho provato anche gli
antibiotici,
A quei gh 'è da star atenti, comunque
signorina, la ma scusa, ma mì a son mia
un guaritore, mi gh lesi le carte, a faghi quel cha posi, s'al fos an fogh ad sant antoni anca anca, ma
con l'erpice
zostro ', però, par le, a gh al
curi, alora in dua el?
F in sla schena
A alora, stasera la's met in pet al spec, e la
fisa ben al fogoler, e la gh à da
pensar fortemente da guarir, almen par dies
minut e csita par quatar sere, po' la's meta gninte ad sorvia, la tos ch la polvrina ch agh daghi mi,
prima da dormar
F e cosa contiene?
A fiducia, speransa e ilusion! e ades pasema
al second.
F e al ters parchè i è dù problemi chi va
insiem
A i fà anca rima: problem e insiem
F mì son orfana, e 'm ricordi con gioia me
padar
A anca mì, al ghet, mì stava al ghet, quand
sonava mesdì, bisognava esar
a taola, e quand a riaa tardi, sala, pudlet, d'istà,
a s'andava a cadena, fa a far al bagn anca 'd matina, sa riaa tardi, me padar, am fava gnintema 'm metea davanti a la mnestra e al ma dsea, s'at sè bon magna
sensa cucer, sensa forsina
e in pè,vadat al ma dsea , se na famiglia l'è mia unida l'è mia na famiglia. Al gh ea da chi manon, al m'à
mai picià, ma al gh ea da chi manon
chi parea a dle padela par le caldaroste,
beh, và che tristese
F propria, anca mì,da me padar a gh ò an bel
ricord, da me madar, no! sol ch am
senti in colpa, ades, parchè quand l'era in
vita l'an volea mia ch am marides.
A ma va là, signorina a iè robe ch as pensa
F l'è mia vera invece(piangendo) mì son
stada na cativa fiola a gh ò augurà dal mal
A i è robe ch as dis ma ch as pensa mia
F ma a ml'insogni ancora e la siga, la siga
tant, am par ancora da sentla(si
sente un pianto sommesso)
A questa l'è la Nilde: Nilde basta!
N (uscendo con la testa dalla tenda,
piangendo)Cosa vot, sonai?
F (credendo di riconoscere la madre urla)Mama,
perdonam da tut al mal ch a
t'ò fat...
N Artemide cosa gh ala?
A digh ch a tla perdoni e ch l'as marida...
N ma sì cara ch at perdoni e maridat con chi
't vò!
F e al papà, mama? e al papà?
N al papà?!? al papà al stà ben cara, mia
preocuparat, al stà ben
e stam pù ciamar e tanti auguri...
F mama , mama.....(piange straziata)
A Signorina, Felicita, Signorina Infelici,
Infelice a son mi chi i siga tuti!!!!
F signor Antenore
A artemide
F signor Artemide al sentì? al sentì anca lù
la me mama,? la m'à
parlà, la m'à perdonà,am posi maridar e mi ch a cardea da catar pù nisun, parchè le l'am malediva dal
cel, ades, ades a son contenta, tant
contenta ch am vegn da piansar,all'à vista anca
lù, l'am parlaa, com'erla???
A ammè sò madar
F uguale?
A identica!
F ma lù. ll'à conosea me madar?
A mi, no!
F e alora?
A gala na foto?
F (la estrae dalla borsa) ecola
A propria le!
F ma el sicur?
A ma signorina mì ò vist e sentì...gninte! mi
son al medium, uatar
vedì,sentì,quel ch a pensè,ma chi atar i bed e i sent: gninte!!!
F alora am sontia insognada tut?
A no, no, ma sol lè l'à vist e l'à sentì!
F Ma am maridi?
A e questa ela la tersa?
F si.
A questa forse l'è la roba èpusè dificile,
però chì vardema le carte
F sior...
F-A Artemide
A l'am diga
F comincio a crederci
A gh al credi ma ste robe iè mmè al matrimoni,
a s'agh cred an po' par
volta, parchè sa sgh credes tut in d'an bot, as maridares pù nisun.Alora ades la taia al mas con la man dal cor, eco, eco ades...vedema, donca donca,
denari, atenti signorina che an qualdun
agh fà gola i sò besi.
F (piangendo)questo la mla dsea senpar anca la
me povra mama
N (uscendo con la testa) MIa piansar bela
A va via ch l'è mia al sò moment...
però.....a vedi an caval: n'om
d'intelletto..
F di lettere?
A no! am par mia an postin, però d'azione,
porta notizie, momentaneamente
ha un bastone in un occhio, forse ferito sul lavoro.
Ora girerò tre carte e avremo sue notizie:una, due, tre(suona il campanello)
F ch al sia lù?
A le la staga bona n'atim(va ad parire)
C son mi, son tornà parchè posi mia vivar con
an magon acsì in sal gos.
F el callì?
A no, questo 'l è sà inpegnà a 'l è al marì ad
me fiola
C in dua ela la Mariucia, la ma scusa
signorina,
A le dadlà con so madar in dal piangitoio,
C alora a vaghi
F sò fiola l'è fortunada, a gh l'avrà catà lù
con le carte al marì
A insoma mia par vantaram ma l'è stà propria
an sogh ad carte,sì
C (da fuori urlando)mì a ragionarò quand tì at
canbiarè
N ( " ) rispeta tò marì Mariucia e mia
sbraiar
A ma dio, ogni tant a gh ema na qual discusion
F capita da partut a credi
(si vede la tenda muoversi
violentemente)
N No, vè! li man no!in cla cà chì as dropa mia
li man
A (scattando anche lui dietro la tenda)ades a
s'esagera, la piantema???
F sior Artemide, s'al vol, s'al gh à da far a
torni n'atra volta
A (rientra) a vegni subit(riesce) alora la
piantema???
C s'era tornà par far la pace ma con tò fiola
as pol mia ragionar
A v'at a tor an cafè e torna dopo
C mi vagh fora, Mariucia, ma ricordat ben: at
sè me moier e par senpar,
bada ben!
M t'am fè mia paura ne tì, ne nisun atar!
C (esce attraversando la scena F. lo guarda
stupita)
M mama.(piangendo)
N vè chì da tò madar
F (unica in scena) mì posi anca tornar n'atra
volta
A (rientrando) L'as preocupa mia signorina, al
matrimoni al'è an po' alt e an po' bas,
pusè bas che alt, l'è come le, insoma!
F e cioè?
A felicita, infelici. Ma bisogna cetaral.
F mei che star ad par mi, mi forse però l'è
mei ch a torna n'atra volta, anca se le
carte i ea dit ch al sares rià...
P (entrando)Compermesso??? ho trovato la porta
aperta e mi sono permesso
di entrare, e sono entrato.
A s'accomodi sior Pampurio
F (in orbita)
P ma io non mi chiamo Pampurio
F anch'io prima per tanto tempo ho chiamato il
signore, Artemide e invece si chiama
Archimede.
A Veramente , signorina...
P non fa nulla , signorina, se le fa piacere
chiamarmi Pampurio mi chiami pure
Pampurio in fin dei conti poi non è un brutto nome
F ma poi, in vero, lei come si chiama?
P Pampuri pietro, per gli amici P.P.
F Infelici Felicita
P in felici da coniugata?
P no, infelice perchè nubile
P anch'io sono nubile, eh cioè volevo dire
celibe
F e di bello cosa fà?
P sono titolare di un'agenzia investigativa
privata
F un detectiv?
P si
F ma non è pericoloso?
P Guardi(indica l'occhio coperto)
A scusem n'atim(esce)
F (continuano come se niente fosse)Cos'è
stato?
P durante un pedinamento
F l'hanno picchiata?
P sono incerti del mestiere
F chissà come avrà sofferto
P parcecchio, anche perchè i èprimi giorni mi
dolorava anche l'altro
ed io , vivo solo.purtroppo!
F come mi dispiace
P anche a me , specialmente quando in giro ci
sono delle belle ragazze
come lei, e nubili.
F lei, è molto gentile, cerco di tenermi un
po' così, ma sà, sono
un po così..
P così come?
F no, non pensi male, sono , ecco un po'
povera, vivo solo del mio
lavoro.
P Se è per questo anch'io, non sono ricco ,
anche perchè il mio, di lavori , è un po'
saltuario
F e qui cosa ci fà?
P ho un grosso caso tra le mani: gelosia!!!!
F in questa casa?
P non dica nulla al maestro, ma credo di aver
scoperto qualcosa di grosso...
F ha le prove?
P macchè: ho avuto due occasioni: una volta
ero sensa macchina fotografica
F e l'altra?
P ce l'avevo...ma senza pellicola!
F e allora?
P stò lavorando! Ha già cenato. signorina?
F no, ma sono in dieta
P ah si? e cosa mangia?
F di sera insalata e grissini
P allora se ha pazienza l'invito a cena.
F e dove mi porta di bello?
P a casa mia
F non sò se..
A (rientrando)Eccomi (a F:9 lagh vaga lagh
vaga signorina...
P allora ci troviamo al bar dell'angolo qui
sotto per un aperitivo,
mi sbrigo col maestro
F benissimo, allora maestro arrivederci
e...quanto...
A signorina felicita non abbiamo ancora finita
la seduta fema tut
an cont ala fin
F come vuole(esce)
P maestro, chi ndema mia tant ben
A andema mia tant ben da bon, al tira fora
chla rioltela lì, che senò mi son mia bon
da concentraram,
P (la mette dietro le candele)
A parchè andema mia ben? ela mia na putela
pasabile? e po' l'è brava,
la gh a sol al fogh ad sant antoni, al dispiaser da sò madar morta e la paura da restar
sitela
P lora a sema a post mi son sitel e orfano...
A alora perchè disal ch a'ndema mia tant ben?
P par via a dl'orsol
A mei ancora lè al fogh ad sant antoni e lù
l'orsol dio ll'i a fà po ià
conpagna!
P sì ma am pasa mia.
A al vardà in dla botiglia a dl'oio?
P l'è propria par quel
A quand?
P quand a gh ò tenp
A eh, ma cat alora andem mia ben... bisogna vardaragh a la matina...a digiun!
P a proarò anca quela
A gh al bisogn d'atar parchè la felicita l'è
sò chla la speta, e insima
a quel a ma sbagli mia
P vedal sior Artemide mì gh ò sol paura a dna
roba e lì angh è carte
cha tegna: mi son gelos!!!
A lasa pur lì signor a gh ò sàan senar ch al
dà i numar par la gelosìa,
e pensar che me fiola l'è tuta casa e laor,ansi l'è lù chal la trascura
P ma 'n om 'l è mia gelos par gninte a sla
sent
A ma dai Pampurio, lù 'l è 'n om da legealla
sà mei che mì che in stè robe as va
mia a inpresion, mì par me fiola agh meti lòa
man in sal fogh, al vaga va là che la felicita la la speta a finirema n'atra volta stò discors
P alora arvedaras(esce dimenticandosi la
rivoltella)
A (lo accompagna poi riapre la tenda e trova
le due donne in piedi
e tristissime)Eco i bronsi di riace, su con la vita
N t fè bel ti, ma mi la senada da prima a la
mandi mia sò,e po' alvar
lì man varda l'è ammè i mes cavà al cor
M ma va là mama , lasa star.mi sò pù cosa dir
l'è senpar me marì.al
laora par mì, e po' l'è mia vera ch am dà mia a dle sodisfasion,forse son mì cha pretendi
trop
A dir che le done i è mate l'è dir poch
N tasi tì, che da psicologia femminile a
t'adnintendi gninte e po' at sè anca arteriosclerotich
A par dio,ades a son da butar via in dal laton
a dle spasadure, valà cara ch a son
ancora an bel omet. giovanile e tgnì sù, varda
in vestaglia po' ammè staghi ben
N at pari Sartana
A va ben ò bela vist che sa voi magnar bisogna
ch a m'an faga
N vedat Mariucia mì t'ò senpar dit da secondar
tò marì, però stasera
al m'à propria delus, l'à esagerà
M ma mama l'è anca da capir
N s'at cominci a sercar da capir l'è fata,
ades quand al torna s'al torna, l'è
mei ch at ciarisa, e s'as pol mia ciarir l'è mei,,
varda a tal dighi con la cros in sal cor, ma l'è mei cha t'at separa,
Parchè as pol soportar tut, ma la gelosia sensa ragion, l'è la disgrasia pusè grosa ch a posa capitar
M ma mama, cosa disat, ch at dovresi iutaram?
N ma scoltam nano, ma forse an moment ad par
tì, an momet ad lontanansa
av pol iutar tuti dù
M mama agh voi gnanca pensar, ò dit tante
stupidade stasera, ma mì a mè marì
agh voi ben, a son stada n'ingrata a mia pensar a tuti i sacrifisi ch al fa par mi e varda che bela riconosensa
N ben ve mariucia, quel ch at va ben a tì as
va ben anca a nuantar e varda che
se mì e tò padar a dsema quel a l'è sol par
al tò ben
A ti parla par ti che mi tra moglie e marito
non ci ò mai mettuto il dito
N a ta gh è mis anca i pè tie ts'è mia stà bon
da convinsar tò senar
a laorar ad men
A agh mancava atar sà a ma dsì che mì ò mai
laorà se po' es convint me senar a laorar
da men serom a post
M mi gh ò da ringrasiar al cel d'averagh an
marì d'or e dù genitor
A d'oton(suonano)vàò chi à sonà, dai ades a gh
'è CAmilo e sistememe tut
M ndè dadlà par piaser e stè dadlà fin quand a
n'av ciami mi, vaghi
mi a versar
(M va ad aprire mentre A e N
escono da un'altra porta M rientra con Bm sorpresissimo)
Bm mariuccia...
M busetta, entra entrea
Bm ma varda che dsetin set gnida anca tì a farat far le carte dal
maestar?
M l'è mè padar Artemide
A (entra e fà marcia indietro)Oh dio Buseta
ancora
N (entrando anche lei spinge avanti il
marito)ancora lù?
Bm ecola siora ch am parea chl'am ricordes an
qualdun...l'am ricordava la mariucia
N la conosla?
Bm_M serom a scola insiem
Bm quanti ani è pasà, e quanti ricord
M e quanti sgric, nè buseta???
Bm e con la profe da geografia, at ricordat?
M quand la t'interogava et favi finta
d'intacarat?
Bm dopo la sn'è incorta e la m'à rimandà a otobar
A gheal bisogn Buseta?
Bm mi? am ricordi pù
A alora l'è mei ch al torna
Bm sa disturbi a vaghi...
M ma no, buseta beat mia quel? dagh an
vermutin, mama
Bm a podres mia, col me disturb
A ma no, nilde tò al vermut ch an bei an gosin
anca mi
Bm ma varda che sorpresa, lù però maestar, ann'avres
mai pensà, lù all'ea mia let in dle
carte che mì e so fiola serom a scola insiem..
A a m'è mai capità, mi con lù a lesi sol le
carte cha parla di macelai
Bm ecola parchè son gnì:ò brontolà nacorea col macelaio, è volà dle parole grose stavolta, al m'à minacià
da faram dal mal, e po' mì al denunci cal
lì, al m'à cucià fora dla botega, cucià a
cucion
A e ma incò l'è la giornada a dle parole
grose e di cucion, però
al varda Buseta ades l'è mei ch al vaga e chal torna n'atra volta(suonano)
N questa l'è la sonada da Camilo e ades cosa
fema?
M cosa vot cha fema l'è an mè vec conpagn da
scola
A ma cara tì, tò marì gelos coml'è al cred ch
a sema tuti in torta
ecola cosl'era al fant da baston
Bm cos'eral?
A bastonade
Bm bastonade, par cosa?
M ma lasè lì da dir a dle stupidade Camilo l'è
mia mat
N ma l'è gelos
A sior Buseta al vegna in dl'armari
M ma dai papà..
N sì, sì in dl'armari e al gh a staga fin
quand a gh al dsema
A al vegna mia fora par amor dal cel
Bm ah! è drè ch am vegn na crisi
A a me gli occhi: questa l'è l'ocasion!!!
Bm ò capì maestar ma gh avres d'andar in bagn
N al tegna dur e'l tasa
Bm fè bel uatar (entra nell'armadio e
contemporaneamente entra C)
A oh,oh, ecco il nostro Camillo
N ma sì, ve camilino....
A a camillo invece che na camara da let i
ghea da toragh na camara
dal lavoro.
C forse, forse Artemide al gh a ragion, varda
Mariucia
M camilo, prima da dir dle robe pensagh ben,m
ammè gh ò pensà ben mi prima
C Mariucia, mi at voi ben e par mia perdarat a
farò quel ch at vò
A anca al disocupà?
N con tò suocero! l'è par quel che nuantar
andema acsì d'acordi
Bm (da dentro l'armadioa)ahi, ahi, ahi
C cos'el?
A ahi, ahi, ahi ammè son content
M mi voi mia che ti t'at realisa mia par mi,
se par ti al laor a l'è an segn d'amor in
di me confront laora, però pensa che quand
ta ta scorai, trop t'agh rimeti in salute et tiri via gioran da vita ch a podresom pasar insiem, an val la pena?
Bm Nooooo!
A (imitandolo)noooo...an val mia la pena
C a gh è quel ch a quadra mia, cosa gh'iv? am
parì agità, cos'è suces?
A ma gninte è suces a sema content ch as sia
ciarì le robe
C però, Mariucia, at gh ei mia da dir cha ta
m'avresi fat i coran, quel propria at gh
ei mia da diral
M l'è stà an moment da rabia ch a sucedarà pù.
Bm a gh la faghi puuuuù...
A in ste case moderne as sent tut quel ch a dis
quei ch a stà dadlà
N che gioia che gioia che sento nel cuore
tra moglie e marito ritorna l'amore
C a taca a dar i numar anca la Nilde
A l'è la gioia parchè l'ultma volta ch l'à dit
na poesia a l'è stà in viag
ad nose..a Scorsarol!
N ben sicome a gh è gninte da pront parchè
andè mia fora a sena?
C ma a mì am va ben quel ch a capita
N stà mia ricominciar Camilo, portla fora
C vot ch andema?
M ma sì, vat a canbiar
C portam chi la roba, Mariucia ch a son strach
M et lavat mia?
C ò fat la docia a laorar, però dai va là
ch'andema(escono M e C in camera da
letto)
A andema Busetta
Bm (non risponde)
N gh sarà mia suces quel?
A versi
N versi tì
A a versi?
Bm (si muove a stento si morde una mano dal dolore è contraffatto)
A al vaga fora da corsa dai!!!
Bm a gh la faghi mia, a gh la faghi mia...a gh la
faghi pù!
C (rientrando) Artemide..
A (richiude Bm nell'armadio) cosa gh è?
C (terribile tragico) cosa gh è dentar li?
A an soragh
C a dò ganbe? versi ch la sportela!
M (è rientrata anche lei) Camilo no!
C ta m'è tradì, tuti a m'ì tradì!
N camilo, scoltam
C tasi sivton!
M Camilo a ta scongiuri...
C sparversa a t'am parlavi d'amor e t'am favi
i coran
A stà mia esagerar Camilo a ta spieghi tut mì!
C cosa vot spiegar, d'an pom mars an pol nasar
che dal mars!
A oh,oh, gioinoto stem mia esagerar,che mì at
permeti mia
C chi gh è dentar lì?
A an mè client!
C e i client a ia tegnat in dl'armari?
A gh era post sol li!
C vè fora dadlì o faghi na stupidada....(trova
la rivoltella dimenticata
da P. la prende, la arma) varda la sort! vè fora!
Bm posi mia...
A mia far a dle stupidade..
M ta scongiuri
N fin par carità
Bm coa suced?
C vè fora a t'al dighi par l'ultma volta
Bm (finalmente apre adagio l'anta e rimane dentro e
si vede di fronte)
C 'l è anca an brut magon, alora va
al'inferan(spara)
(Bm si accascia al suolo con
un lamento mentre gli altri urlano)
(FINE
DEL PRIMO TEMPO)
(SECONDO
TEMPO)
(la scena è la stessa e la
posizione degli attori anche come se il sipario si fosse appena chiuso--si
potrebbe volendo ripetere al rallenty la scena del colpo di pistola)
C Signor, cos'ontia fat?
(sono tutti esterefatti solo A.- si riprende)
A dam chì chla pistola lì(la pulisce per
togliere le impronte) vat
a lavar li man se nò col quant ad naftalina it cata subit(ripone l'arma nell'altra anta)
N cosa pensat Artemide a vedat mi ch l'è mort
M CAmilo ma com'et podì?
C par tì MAriucia, par tì parchè at volea ben,
ma tì tradiram sota
i oc...
M ma ammè gh ontia da dirtal ch l'era chì par
al papà...
C e alora parchè eral in dl'armari?
N l'è stada colpa mia...(piange)
A ades basta sigar l'unica ch la gh avrà al
dirito da sigar la sarà so moier
N povreta vedva, sensa nisun, nisun laor,
piena da ciachi, son stada
mì a insistar d'andar in dl'armari,parchè ti at seri gelos, e lù 'l era a scola con la
Mariucia, e la profesoresa da
geografia la cardeva ch al s'intartaies e invece ades al s'intartaia pù parchè l'è mort, povra
siora Buseta, povra Mariucia e povra mì e
poar me senar in galera parchè l'à copà....
A l'à copà e l'à copà, vedema sl'è mort da
bon, eh sì, al gh à pù al
pols....
C l'è mei ch a telefona ala polisia par
costituiram.
M ma dio Camilo mì voi chge ti t'am creda ch
'à t'ò mai tradì, e che Buseta l'era
propria chì par la papà..(piange)
C ma cosa vot mai , an son fat tor da la
gelosia a capisi pù gninte,
lasem telefonar a la polisia...
N perdonam Camilo a t'ò senpar volì ben ammè
an fiol anca ades ch'at
vè a fnir in galera
A insoma basta sigar! Nilde và subit a tor na
botiglia da spumant
N al m'è dventà mat anca lù(esce piangendo)
A camilo, sentat!
C mì voi telfonar ala polisia!
A basta! che forse forse a gh la fema a tegnar
i rem in barca
N eco la botiglia..
A (la stura col botto spruzza anche il morto,
va alla finestra)auguri,
auguri di buon compleanno, forsa cantè con mì,
tanti auguri a te ...dai cantè anca uatar tanti auguri(ecc)
N ma set mat?
A cantè, ancora (rivhiude e riapre la
bottiglia sempre col botto fin che si
può) auguri, inpisa la radio indua a gh è musica dai cantè...
C mì voi ciamar la polisia...
A scoltem ben (la radio trasmette una marcia
funebre) canbia stasion
(musica allegra) lì va ben. Scoltem ben, a gh ema na speransa ma gh ì da far tut quel ch'av
dighi par fil e par segn.Smorsa
la radio!
N am par da vivar n'incubo
C lasem ciamar la polisia
A dopo, dopo la ciamema, alora: al bot a dla
pistola a l'ema mimetisà
coi bot a dla botiglia, ades a gh è sol da far sparir al mort, mort l'è propria mor, al taca anca a spusar, e l'è anca brut, l'è mia migliorà gninte con la
mort...
N sì ma a sò moier al gh andava ben acsì,
quacel, par piaser parchè
am fà inpresion, a par ch am varda
A stè calmi e mia dar i numar,ormai mort l'è
mort e bisogna sol faral
sparir che se nò invece che na famiglia roinada a gh n'ema dò o tre
N ma cosa gh et al post a dla cosiensa?
A na versa!
N ma che risposte
A insoma a gh è na roba cha gh ema da
decidar,o Camilo al va in galera,
o sema costret a far acsì!e stì mia credar cha pensa mia a la vedva. Quela la mantgnerema nuantar fin ch la
scanpa, esensa
chla la sapia...
M cosa disat Camilo???
C ma mì l'ò copà???!!!....
A in ch al moment at seri mia tì!
C ma's pol mia far giustisia acsì!
A alora va in galera! At sè mia an brigatista,
ti ve, a ti i ti a dà mia la
television, le riviste e tut al necesari, la moier in cela, e se anca anca t'at pentisi a ti it tegn dentar, coi annessi e connessi, e chi per esso.
M al gh à tagion al papà..ma..se po' is cata?
A 'l è an ri-sc che gh ema da corar
N son disposta anca mì: al sotrema in cantina!
A in dal vas di fior...
N basta ch as disgnochema che chilù al taca
aspusar da bon
A par mì al 's è anca cagà ados, callì par
tera o le sangue o l'è
merda
C dsim cosa gh è da far, parchè voi esar mi a
corar i ri-sc!
A ades a l'invoiema in na querta,po' al
portema al miaret,stema tenti
a mia sporcar le scale, la machina e che nisun as veda
C dai alora chl'invoiema, ma tì Mariucia am
giurat cha ta m'è mai
tradì?e che se par disgrasia andrtò in galera ta m'aspetarè sensa tradiram?
M a t'al giuri.
N eco la querta
C no, no, l'è mei ciamar la polisia, am meriti
mia tuta la vostra bontà, son cativ
mì, s'era andà in n'agensia par farat pedinar
Mariucia, m'et tolt, mì 't fasea pedinar..
M mia pensaragh quel ch'è stà è stà!
N a l'è chi lù ch a resta
A at sarè mia andà da Pampurio?
C propria!
A ma s'al vegn chi a faras le carte par
risolvar i casi?
C al gnea chì par spiar , par sentar
A al gnea chì par l'orsol, at vedrè che a chal
giuda scariota lì a gh al curi mi
l'oc.Ben stem mia perdar tenp, agh vores an soghet
dai in pista
N vot anca la casa da mort?
A ma signor s'al spusa, Mariucia va a ciamar
l'asensor, sensa inpisar
le luci dla scala, tì Camilo gh et la machina comoda in garas?
C l'è pena lavada , ma pasiensa
M (era uscita e rientra di corsa)l'è ocupà e
gh è an qualdun ch 'è drè vegnar sù
A (suonano)Smorsè tut e silensio(parlano tutti
sottovoce)
N Artemide cosa femna?
A va a sentar chi è?
N chi mì? mi no!
A vagh tì, mariucia..
M propria no!
C agh vaghi mi!
A ti no! at gh è da iutaram, dai Nilde tegni
in sla portaprima da versar
N alora a vaghi?
A dam na man Camilo ch al metema in
dl'armari(lo sistemano)
N ma dio Artemide a gh è la siora Buseta...
A e cosa volla?
N 1l'at vol ti.
A fala vegnar dentar...(entra) bona sera le
l'è la siora dal sior
Buseta?
Bf si e son drè ch al serchi a l'è tuta sera ch al
serchi al m'ea dit ch al sares pasà dad
chì, ma che odor, cha gh 'è????
A ca gh'è nè? ades a ciami me moier,
NIlde(indicando per terra)
Nilde varda caghè! dla segadura butla
lì in tera parchè set l'incens caghe a
da tor(non capisce) cagò! tolt 'l ò sbaltà par
tera 'l era trop stagionà el spusa, a sentat ch al spusa l'incens, l'ò sbaltà tò la paleta CA GHE'
da catar sù tut....
N (non ha ancora capito) cosa Artemide
A la mer...ce la merce cata sù la mer ce(ha
capito e pulisce)
Bf pensagh tì, al par l'odor ad me marì, povret a sal
col sò disturb al riconosi.
A ah sì, propria al sò odor, sla la dis lè? 'l
è stà chì incò, ma poch e po'
d'altronde, siora, 'l è bon da vegnar a dle tre quatar volte al dì, tant è vera che lù
al segni gnanca in sal bloch
notes.
N l'as preocupa mia siora, che da incò al
gnarà pu...
Bf parchè?
A parchè credi ch a sema quasi a buon punto a
dla cura, e po' me moier
la scersava
Bf mì invece a son preocupada, insoma, ogni tant as
tos sù e 'l và via an qual gioran,
ma a mla dis, incò invece al m'à dit gninte...
A veramente a mì a ml'ea dit ch al sares stà
via na qual giornada,
ma la seconda volta ch l'è gnì!
Bf a che ora?
A insoma siora a gh l'ò dit mi sò marì al
segnio gnanca pù quand al vegn, mia ch al
posa vegnar quand a gh n'à voia, ma tant al vegn
listes, però s'al gh es da tornar a gh al mandi a cà subit, subit, le la torna a cà e la staga tranquila
Bf va ben, alora al ma scusa, bel ch l'armari, lì,
sal decid da vendaral
a mla diga a m 'intendi, mì, l'è propria bel sol. (si avvicina) ch al gh à le manilse rimese
A la la toca mia ch l'è vec e l'è bon da
restaragh in man
Bf gh al al tarol?
A oh, l'è pien a sentla mia?
Bf mi, no, ò sentì sol al solit odor, volala vh agh
daga n'ociada?
A n'atra volta, magari ades l'è mei ch la vaga
an sa mai cha torna
al sior Buseta..
Bf alora al ma scusa ancora e bona sera.
A arvedaras(Bf esce)
N ela andada?
C dai alora ch al tirema fora
M mì gh la faghi pù 'm vegn mal
N Artemide, a mì am vegn ingosa.
A stema mia cedar ades, set pront, Camilo?
C mi sì(tira fuori Bm) MAriucia ciama
l'asensor.
(M sta per andare quando risuonano
alla porta cercano di rimettere
dentro Bm che però perde una scarpa e un lembo della coperta rimane in mezzo a un'anta)
Bf (è rientrada dopo che M è andata ad aprire)Scusem
ma m'è gnì in ment na roba
A l'è ammè sò marì, l'am diga siora che po'
forse gh avresom d'andar
a let
Bf incò, me marì,'l à brontolà ancora col macelaio,
ch l'om là alla
odia, all'à butà fora 'd botega a cucion,all'à minacià a vores mia nè, as pensa a tante brute
robe,na qual disgrasia
A la staga in cà e la la speta.
Bf mì a vaghi in questura
A a far?
Bf a denuciar la sconparsa
A ma no, la staga chì an po' NIlde vè chì ca
gh'è la siora
Bf ch l'armari lì al gh à anca na sportela chla stà
mia serada
A camilo la porta
C (va verso la porta d'ingresso)
A (tra i denti) quela dl'armari
C (la chiude) eco fato(appena chiusa si
riapre)
A la porta
C (ci si appoggia contro e vede la
scarpa)Mariucia la scarpa
M (la raccoglie)
Bf am parì an po' stran tuti???
A eh siora sema an po' strach sala par via a
dle carte
Bf ben mi a vaghi...in questura
A No!!! fema acsìlè ades la vaga a casa, l'am
porta na scarpa da sò marì e vedrema, po'
con la scarpa e le carte da catar in dua
l'è!
Bf gh n'à an per anca me marì, ammè quela ch 'à binà
sù la siora,
A la faga prest però, nè!
Bf dies minut a vaghi e torni.(riesce)
A forsa che in dies minut a gh ema da farghla.
C (Tira fuori Bm)VAca s'al pesa chal cancar
chì, oh, pardon
Bf (rientrando all'improvviso_C. di corsa ributta
dentro BM e rimane
appoggiato all'armadio)
al ma scusa ma che scarpa agh porti?
la destra o la sinistra?
A destra, quela dal cor ch l'è mei
Bf ma al cor 'l è a sinistra?!?!
A ben la mia porta tute e dò.
Bf alora a vaghi?!?
A a sarà mei se nò al dventa dur e al moema
pù.
Bf gh'iv da portar via l'armarì a gh l'ò dit ch al
conpri mìforse as sera mia parchè dentar
a gh è quel cha sforsa,posi vedar?
M volla cha la conpagna mì a cà siora, andema insiem..
A (a M. ) e tenla in gir an po'(escono Bf e M)
N Artemide , mì stanot a mori...
A e parchè, mi no?
C el mia mei che mi a vaga a tirar fora la
machina?
A ma sì, mi ades< a seri la sportela a
ciav(non si chiude)acsita al casca
pù,quand la gh avres da seraras l'as sera mai, varda Nilde cosa am toca da far par nostra
fiola, ades sì ca gh ò paura
anca mi
N agh manca sol da sentar batar(rumore al
piano di sopra)
(suonano alla porta)
A NIlde va dadlà a versi mì(N esce)
F (entrando) Signor Alcibiade
A ormai a gh al dighi pù ammè m ciami,ma cosa
fala a st'ora chì signorina
felicita?
F a gh ò da ringrasiaral e d'admandaragh an
piaser
A ma podevla mia spetar adman., a scapi mia
via,...almen par ades
F no, a podei mia parchè lù incò al m'à ridat
la vita
A con na man as dà e con na man as cava
F asenti gnanca pù al fogh ad sant antoni
A a gh lea dit che slas vardava in dal spec
F am son inamorada
A da Piripicchio?
F no, piripicchio, pampuri, l'investigador
A pampuri, sì al sior pampurio
F volevo dimostrarle al mia gratitudine
dicendole che...
A Pampurio sta indagando in casa mia!
F ma lei, lo sa già?
A la's meraviglia che mi al saves sà?Ma sal la
sà mia un cha fà le carte:mi sò
tut! E sò anca parchè le l'è chi. E gh al posi anca
dir, visto che me senar 'l è gnancora rià, le l'è chi parchè la vores saver se Pampurio al
gh andres ben ammè marì!
e al gh andres ben anca a sò madar!
F Come ha fatto? mi speventa, lei mi ha letto
nel pensiero!
A sì, Felicita mi gh ò let in dal penser, ma
mia parchè son an mago,
magari an magon, ma parchè mi ò senpar scoltà la gent e gh ò let in di oc.
F anca mì però, e lù al gh à mia i oc d'incò
A l'è vera anca questo
F i è mia pù seren ammè prima a l'è mmè s'al
fos invecià d'an colp
A in d'an colp a s'invecia e in d'an colp as
mor, magari da pistola, ela pronta
signorina, a sò ri-sc e pericol..
F non ha bisogno del tavolo a tre gambe o
della catena?
A Artemide al gh à bisogn ad gninte, la speta
'n atin(tira la tenda
si sente bisbigliare con N. da fuori)
N no! al faghi mia gnanca par schers, gh ò
tropa paura..
A dai se nò chla la la và pù via,(rientra,
spegne le luci accende le
candele e l'incenso)alora ela pronta?
F si!
A mmè s- ciamavla sò madar?
F Giovanna
A Gioana am sentat?
N (sempre da fuori fa una voce artefatta e
lamentosa)Mhhh!
A tò fiola felicita l'at vores parlar,
podresat diragh quel?
N sììììì!
A la parla signorina
F mama, ò catà an brao putel, cosa disat?
N va beneeee
F at senti lontana....
A oh, ma gh è dla distansa, as sent mal in
cità col telefono, senpar
ch it ciava mia i geton
F mama set contenta da bon...
N da booonnn
F alora am maridi?
N maridadddd.....mariiiii(la porta
dell'armadio si sta aprendo e N.
che non ha resistito e si sporta dalla tenda lo vede e )Mariii
l'armariii artemide l'armariiii
A la sera i oc signorina, la sera i oc,sò la
testaNilde iutam ch l'è drè ch al
cascaaaa
F posi vardar???
A no, noooo(rimettono dentro Bm)
N mì stasera agh resti(torna dietro la tenda
con la testa fuori)
A (a N.) digh ch l'as marida e ch la vaga fora
dle bale
N Felicitaaa, maridadddd.....sii feliceee...e
lasam in pace!
F sior Artemide?
A oh la l'à dit giust!
F ma cos'era suces?
A qn'interferensa
F N'interferensa?
A a gh è di èprepotenti che quand i cata la
linea libera i vol pasar
davanti a chi atar, 'l era uno pena mort ch al volea pasar davanti a sò madar a s'an ved ad
tuti i color
F mì sò mia mmè ringrasiarla
A la m'invitarà al prans ad nose, ades però la
vaga a cà che mi gh avres d'andar a
let
F s'am permet(lo bacia affettuosamente sulla
guancia)(esce)
N (rientrando)n'atra roba dal genar e gh resti
seca
A dai, dai che tò senar al ria mia al portema
sò nuantar
N eh, no! dmandam tut ma mia farmal tocar!
A e alora cosa fema al lasema dentar li a far
le camole?
N ma mì a gh ò mia al coragio
A cat, l'è mort, cosa vot ch at faga?
N ben mi a tegni i oc serà, e po' no, no, se
in asensor a và via la luce?no, no!
A iutam almen a metl'in pe, po' al faghi
arbaltar mmè i inbariagh
a venesia in costa al mur
N mi 't versi sol la sportela a dl'armari po
t'at rangi
A dai versi
N l'as vers mia!
A come la 's vers mia a l'ò mia inciavada
N t'ò dit ch l'as vers mia proa tì ch at sè
brao!
A (apre con impeto e si apre subito e Bm
cade)Ciapal NIlde ch al cascaaaa....
N al sa spaca mia(ma lo prende)fa prest Temide
parchè al moli.Ahhh...
A ma cosa gh et da sbraiar son chi!
N Artemide al m'à stricà dl'oc!!!
A ma dai mia dir stupidade
N a t'al giuri
A sarà stà an snervis a dla mort, i è robe ch
a capita, dam na man a faral
girar(Bussano)metemal dentar dai!!!(perde l'altra scarpa) Versi NILde
C (entra)
A ma in dua set stà???
C ò mis di celofan in machina par mia
sporcarla
A ma fin des?(vede la scarpa e la raccoglie)ma
và chi lù?
l'è pegio che cenerentola(apre
l'armadio e la butta dentro)(l'armadio
si riapre e la scarpa viene buttata fuori e colpisce
la N.)
N (urlando)ele robe da far di schers dal genar
in stì moment chì?
A (non capisce) MA cosa disla??
N (prende la scarpa riapre l'armadio la
ributta dentro e urla)
A cosa gh 'è ancora???
N al m'à 'ncora stricà dl'oc!
A fat na camamila, NIlde, fat na camamila,
parchè t'as fè dventar mat
tuti, ndema Camilo:::
C Ades podema pù, l'è tardi
A sa spetema ancora a ria la Buseta
C apunto a gh a dsema da spetar in cà
A e sla và in questura?
C sal vol, lù al ries a convinsarla a mia
andaragh a spetar in cà, ades
propria a podema mia anca parchè sota chì, a gh è Pampurio, l'investigador, al speta sota chì
e sò mia al parchè.
A parchè al spetava la Felicita, proa a vardar
sl'è ndà via?
C smorsa la luce ch a vardi sò dla
fnestra(spenge la luce e guarda fuori)'l
è ancora chì, vegni a vedar Artemide...
A (va a vedere intanto le ante dell'armadio si
aprono e si chiudono e vede solo N)
N (urlando)aiutoooo....
AC scccc....cosa sbraiat????
N (spaventatissima) s'è vert e serà le sportele, ad par lore le s'e verte e le s'è serade ad par
loreee...credam artemideeee
(piangendo di paura)
C ades Nilde le l'à sà fat trop la vaga dadlà
a dormar an po'
N cos'el? a dormar dadlà con lilù in ca???ma
gnanca...
A alora va dadlà a lesar a far quel ch at vò,
ma sa ta stè chì et continui
a sbraiar a sò mia mì...
C alora dai ch a ris-cema a portaral fora
definitivamente, dai as vers
mia la sportela
N et vist!
A via ch a proi mi(si apre) et vist?dai CAmilo
ti ciapal par li man che mi al
ciapi par i pe,Nilde và a ciamar l'asensor...
N e le scarpe?una l'è chi dentar, vaca d'on
diaol che spusa, e ch l'atra
in dua ela?
A la serchema dopo.
C 'l è pes ve Nilde!!!
A 'l è anca pien, par sonta.
N sì, ma se po' dopo agh manca na scarpa?
A la gh a ragion i omicidi perfet i và senpar
in malora par na roba da gninte.
N ecola chì vè l'ò catada
C dai Nilde par piaser la ciama l'asensor...
N (esce e rientra di corsa)Metil dentar cha gh
è an qualdun cha ria
A e via, oh questo al s'è afesionà al'armari
e po' varda l'è gnancora
dventà dur
C am parea anca chal gh es ancora li man calde
A ma par forsa con al sfors le tue contra le
sue le s'è scaldade.l'è
stà l'atrito.ades serema(chiude e si riapre) ades serema(chiude e si riapre, gli dà un
botto e resta chiuso) et vist con
le bone(restano fuori le scarpe)
N artemide, le scarpe
A da chi(vorrebbe metterle dentro ma non si
apre)at parea, ben va ben a ià meti
ad sorvia(le appoggia sull'armadio che si apre)alora
dentar(le mette dentro e chiude)s'as fos vert avres comincià anca mì a pensar ch al fes a posta(l'anta piano piano
si riapre)a
cominci a pensar ch al faga aposta(lo richiude intanto
entrano Bf e M)
M a sema chì.
Bf edco le scarpe da me marì
M gh è na qual noità?
A a sema mia bon da faral decolar
M e 'mmè fema alora?
A a sò mia
M a gh era ancora sò ch al sior ch l'andava
avanti e indrè
Bf i l'avrà mia rapì?nè? no, parchè si mìadmanda al
riscato, stema
ben, ma sema mia sior, Però vardè mi am son tranquilisada
parchè a mal senti davsin, mmè sa gh fos la sò presensa
propria chì.
A alora fema la letura dle carte parchè ades
l'è al moment giust
N mì a vaghi a colgaram n'atim
C e nuantar andema dadlà
A no, uatar a stè chi, par aumentar la
potensialità dal penser a gh ò d bisogn
anca da uatar.Camilo smorsa le luci e inpisa le candele, Mariucia, meti le scragne chì intoran al taol, sentemas tuti e in silensio, le siora, la
pogia li scarpe in sla taola,
e lagh meta dentar li man,e sla sent tirar la gh vaga a drè,sensa levaras su da la scragna, silensio, ch
a giri li carte...
(gira le carte e Bf segue le scarpe
come se fossero loro a tirare)
Bf (sottovoce) agh n'è una cha tiraaa....
A 8interrogando la scarpa) vuoi andare da
qualche parte?
Bf la tira ancora...
A vuoi andare di là?
Bf (sbatte la scarpa)
A silensio, ch ema catà al contato, se vuoi
comunicarci qualche cosa fai un
colpettino(si sente un frastuono terribile)
Bf ma mama, ma ele le scarpe?
A ma no, a iè chi vilan chi d sora tute le
sere quand i tira sò i mobili let l'è
csì(si alza e va alla finestra) ma posibol che
tute le sere la sia la stesa storia?ndè a let prest e senò canbiè let!
M tant i t'ascolta mia, papà, a par chi faga a
posta(si sente ancora
lo stesso rumore)vedat chi fà a posta?!?la pensa siora ch l'è senpar an bordel dal genar chi vaga a let ali ot o a mesanot
Bf am meravigli mia parchè in dua a staghi mì, quel
dal pian adsora, l'à mis la lavatrice in
sal balcon, e na volta a gh è gnì
fora l'aqua boienta e la m'è gnida tuta in sle tende ch le s'è scoloride, e
in si fior chi s'è cot, e s'agh fosom stà sota
nuantar?, na disgrasia a sares suces na disgrasia, ç mandà sù me marì, a brontolar, e lor seragh
la porta in facia!Ah,
ma s'ema andà in tribunal,, vè, e i s'à doì pagar i dani! a mè marì i ghi a met mia i pè in cò,
al par , nè, ma l'è
energich,mi dighi ch al ced gnanca da mort!
A al dighi anca mì, andema avanti?sentla
ancora quel, in dle scarpe?
Bf al speta(si concentra)(poi le scarpe si girano
tutte e due verso
l'armadio)le tira vers l'armari...
A l'armari???ah, a gh l'ea promis anca a sò
marì ch agh volea far
na sorpresa, alora, vuoi dirci qualche cosa?(si sente un colpo dall'armadio, a M e C mentre Bf è
concentrata) questa l'è
tò madar, dicci pure, dicetecelo, pure...
Bf cosa disal?
A sssttttt!(si sentono colpetti altermnati al
monologo di A)
Ho capito...a tua moglie di non
preoccuparsi....sì, sì...vuoi riflettere
un po' da solo.....bene...che vada a casa...e riceverà
tue notizie...tra ore...certo...che non parli...con nessuno....e non telefoni a nessuno....come...questo per me solo?...grazie!
BF grasie cosa?
A ma l'à sentì anca lè
Bf mì ò sentì gninte a gh ea li man in dle scarpe
A ma la ghea mia i orece in dle scarpe,l'à dit
da mia preocuparas,d'andà
a casa e da spetar con calma, però
Bf cosa?
A bisogna chla parla e la telefona con nisun
par tre ore.
l'è l'unioca cura par al maloc! parchè
chi 'v vol mal al va fat
far na fatura, i v'à fat maledir.
Bf ò vist mì na sigagna, na qual smana fàchla pasava
avanti e indrè
avanti e indrè,a capisi ades certe robe, ò catà dle pene da galina davanti a la porta da cà
A ffff...le pena da galina a iè an gran brut
segn...
Bf ma no, ma n'am meta mia in agitasion propria ades
A l'as preocupa mia la vaga a cà ades e la
speta tranquila catà al malan ades
a catema la cura
M volla cha la conpagna?
Bf ma no, l'as disturba mia a son viada andar ad par
mì, alora tre ore, par tre
ore ...silensio..
A silensio.....(esce Bf)bene, bene, bene,
Nilde at sè stada braissima,
Nilde,Nilde...
N (da fuori poi entrando)ma cosa gh et da
squaiaram am s'era pena
pasada via e tì t'am dismisi
A a volea dirat ch a t'ei capì tut al voloe
ch at sè stada braisima a piciar contra
'l mur ch a pare a cha fos l'armari
N mì?, mì ò picià gninte
M ma valà mama ch at gh è voia da schersar
N no, no, mì a dormea
A 'l è l'armari che sota al pes al craca
N ma tò padar al vol mia ametar ch a gh è quel
ch a quadra mia
A at credarè mia ch al sia ancora viv?al gh à
sparà in dla pansa, a gh ò sentì al
pols e gh l'ea pù,agh vol mia an dotor par
capir ch l'è mort.
C ades però a gh em da portaral via na volta
par tute.
A e indua al portema?
C mì ea pensà ad portaral in Po e 'd molaral
sò là i pensarà a na disgrasia
A el bus ch al gh à in dla pansa?
C alora portemal in dal vicolin , drè cà sua,
Mariucia la la sà in dua al stà
A e si's ved?
M alora al Miarè o a pietol vec
C par mì l'è mei in Po , parchè si la cata
prest i credarà an qual
regolament da cont,parchè al gh ea da esar na rasa mia da poch, si la cata tardi 'l è mei, i pesi la
magnarà mes, basta la
pansa, sò moier, la gh andrà adman a denunciaral parchè 'l è sparì.
Nuantar a gh avrema la machina
pulida, la querta l'andema
a butar an qual sent chilometri lontan, prima da telefonar a la vedva al motor al s'è rafredàè mia pioì e's ved
mia i segn a dle rode
par tera..
A e la? mmè fema a butaral sò?
C in sal pont ad san Banadet, sota, dopo al
penel a gh è na bela corente,
mì al porti in spala, ma am meti ados le sò scarpe,
A po' dopo i la cata sensa,
C e no, parchè dopo a mi a cavi e i a buti sò
dal pont.
A a dires ch l'è na roba perfeta
N sì ma s'av moì mia av resta i toch in man
C basta ch sa moema prima d' mes'ora
A set sicur cha gh è mia quel d'atar?
C bisogna cha dropema di guant da goma
N mì gh ò quei da lavar i piat
C i và ben
A uatar pulì ben dentr 'a l'armari, parchè se
dopo a gh al regalema a la vedva,
ch la cata mia na qual proa ammè in di film
da ictcioch
C alora Mariucia, ciama l'asensor Artemide i
guant, forsa versì l'armari(A
apre) Ecol chi!
A (tirandolo fuori) insoma a mì am par ancora
fiap
C dai artemide poche moche
M (rientrando di corsa) metil a post metil a
post a gh è Pampurio
N al vol propria mia andà via da cla cà
chi(suonano)mi vaghi dadlà
C vagh anca tì aMariucia, mì vaghi a versar
P (entrando)compermesso???
A alora Pampurio cosa gh è?
P son gnì par dò robe ma sò mia sa posi parlar
con...presente
A ma par dio al parla pura vedal mia ch a sema
due cuori e una capanna...o
mei n'armari
P bena sa ch al gh è agh volea dir che
al me conpit l'è fnì
C grasie al sò a pasarò in ufisi a saldar al
cont
P gh'è mia d' bisogn
C parchè?
P parchè pusè da seguir la sò siora, non sono
riuscito a trovare una prova, per cui la
signora è completamente innocente
C al sò al sò. soltant che
P 1soltanto che cosa? mi avete tenuto
all'oscuro di qualche cosa?
C no,no,
A e l'atra roba, sior , ch'as dispegnema ch a
gh avresom d'andar a let(al
pubblico) l'è tuta sera ca gh avresom d'andar a
let
P a vedi prò prima a gh 'ì da fnir da lavar i
piat
A parchè?
P a gh ì ancora i guant
C i guant? i guant!nuantar a sema feministi a
ià lavema senpar i piat
A le siore le và a let e nuanta a lavema i
piat , i paviment, fem
bugada, e's metema i guant par mia roinaras li man
P come preferite, volevo ringraziarla per
avermi fatto incontrare la signorina
felicita per cui i nostri conti sono a posto
A s'al gh es d'averagh ancora ad bisogn al
faga mia conplimenti
P addio
A salve(lo saluta facendo finta di sparargli
un colpo di pistola poi di seguito si
porta la mano alla bocca per mordersi)
P ah, ecco,meno male che me l'ha ricordato
dimenticavo la rivoltella
A ma podei mia stà ferom, la rioltela, ma mì a
gh l'ò mia...
P ma come? a mla fava metar sò senpar prima
dle sedute
A ah, la pistola? ecola, sì, ma gh l'ontia mi?
P eh!
A ah salla dis lù, nè Camilo, gh l'ontia mi?
salla dis lù!
P l'ò lasada chi prima
A ah ma sì.... ecola chì.(apre un'anta la
richiude di corsa e si apre
l'altra e la stoppa con un piede)oppsss.
P mah?!?!?
A ela mia quela?
P no, no, è questa ma...
A ma cosa?
P ma questa ha sparato!
A adio batel! As senta Pampurio parchè ades a
gh ema d bisogn da lù
P par via?
A al versa l'armari
P (apre l'anta sbagliata) e cosa gh è?
A ch l'atra
P oh dio ma el mort?
A sì
P (cade svenuto con un gemito)
C questa l'è bela
A gh mancavo sol questo
N.M (rientrano)
N cos'è suces?
M el mort amca questo?
A ma cat a gh ema la fabrica di mort ades,
l'è cascà in fastidi,
chi l'avres pensà an detedctiv in fastidi, questa po'
N e ades cosa fema?
A tira fora an grapin
M as riprend mia gh ema da ciamar an dotor?
N ma sì sa chagh sema anca mafioli, mì an posi
pù al tuo l'era l'omicidi
perfet
A am son dismengà dla pistola
M ah, ma gninte an particolar da gninte
C ma chi lù al rinvegn pu(suonano)
A questo podema mia materal in dl'armari
N vaghi a versar
F (entrando vede N e urla) me madar(sviene)(N
la trascina dentro)
M e questa chi ela?
A anca la Felicita
C a stò punto ciamemal la polisia l'è mei in
galera che in ch al manicomi
chì
P (riprendendosi) Cos'è suces?
A l'è cascà in fastidi
P cosa gh 'iv fat ala felicita
N la m'à vist la m'à ciamà mama e l'è cascada
in fastidi anca le
P la sarà mia morta anca le? no la 's riprend
F piero, ò vist me madar
N no, signorina a son mia sò madar a son la
Niltde
F la gagh somia tant
n ma son mia acsita bruta d'andar in fastidi
F l'è l'emosion ma tì piero cosa gh et ch at
pari sbatì
P motivi di lavoro(a C e A) ma com'iv fat?
A l'è stada na disgrasia
P infagotà acsì l'è mia tant na disgrasia
C l'è mei ch agh diga tut: l'è stada la
gelosia,a creda ch al fos
l'amante da me moier, invece l'era an client da me suocero, mì son rià e l'ò catà in dl'armari
P alora sì mia stà uatar
C al ma scoltaquand l'ò catà in dl'armari
l'era viv, ades l'è mort
F mort? chi è ch 'è mort?
P Felicitati tgh'è da scoltar ma sentar gninte
F come scoltar e mia sentar?
P quand as fà an mester ammè 'l mio s'è mmè di
confesor, bisogna tegnar
par se la verità
A alora par mia faral andar in galera, ò pensà
che sicome l'ea mia fat a
posta a podeom farla pasar par na disgrasia
P e sperai da portaral via acsì?
A em proà an sach ad volte ma gh l'ema mai
fata
P a gh al mia famiglia?
A sò moier sema riusì a farla andar a cà sensa
sospetar gninte ma a chal
punto chi so mia cosa far
C sentim mi ades a telefoni in questura chi
vegna e chi faga quel
chi gh à da far am dispias par lu Pampurio che la rioltela l'era sua
P cosa gh 'intra la me pistola?
A cosa gh intra e cosa gh intra al gh à sparà
con quela
P ma no?
A ma no? al versa l'armari
P (comincia a ridere)
A capisi mia cosa gh sia da ridar
P al fat al'è...che quand a vaghi...in gir
csì... a la carghi...a ...salve
TUTTI a salve?????
A podeal mia diral subit magari ades l'è maort
ad paura mì al versi
mia ades l'armari
C al versi mì/(non si apre)as vers mia
Bf (entrando) eh ma quanta gent, iv savì quel da me
marì?
A sì,sì, al'è restà serà in dl'armari sensa ch
al savesom, e ades
aghema paura chas sia mia sentì ben e l'armari as vers mia
Bf al savea ch l'era lì dentar a l'ò conosì dal'odor
e le so scarpe, anca ma lù al m'à mia
scoltà
A as vers mia
Bf sfondè la portela dai fè quel
A ma mì a gh al volea vendar siora e sfondar
la sportela am dispias
Bf e alora serchè da versaral. Cesco stet ben?
A signor fa ch al risponda
Bf fè quel ala svelta parchè al rispond mia
A cesco am sental? s'am sent am risponda!
Bf l'as vers propria mia
N cesco l'ascolta al maestar
M al sarà mia mort da bon
N a tl'ea dit ch al m'ea stricà dl'oc
C anca par mì al gh ea li man calde
A ma tsì ostis ch as sent gninte: Cesco,a
contarò da tre fin a sero,sal
pol al risponda altrimenti al cioca quel tre...due ..uno..sero, podì parlar!
Bm (dopo un attimo di silenzio)Tirem fora ch am foghi
TUTTI (felici 9 evviva è vivo
A evviva è vivo ma sal tirema mia fora ala
svelta al crepa da bon,
vaca d'on dial(tira un calcio all'armadio che si apre)
(esce tutto legato senza
scarpe tutti si scostano per l'odore)
Bm maestro
Bf cesco belo ve
Bm maestro lù 'l è 'n sant!
A stema mia esagerar
Bm a son guarì
Bf cosa?
Bm sì, antonieta al maestar al m'à fat an miracol al
m'à fat na cura speciale a ml'ea dit cha ml'avres fata al'inprovis, l'ea
preparaà tuta na mesinsena ch am parea da esar in dan delirio e...
N al vaga avanti
Bm e quand al sior lì(C) 'l à fat finta da spararam,
ò ciapà na paura
ch am (dice all'orecchio d Bf)ch am son cagà a dos
Bf es sent anca
A vl'ea dit che quel par tera l'era mia
sangue
N e mì l'ò netada
Bm ma l'è mia fnida, varda a credea chi fes da bon, im volea nascondar o butar in PO varda, varda ammè i m'à
ligà? i è stà bravissimi tuti a
parea ver
Bf e lora?
Bm e lora, in chi moment a gh ò vì na lotta intestinale
con an sù e sò cha gha da
esaras giustà al tubi da scapament a gh ò pù
gninte a senti pù gninte, lù l'è an sant
A ben alora putei sa permetì a v'ofri da bear
parchè con an colp ad pistola ema risolt
an sach da problemi famigliari e intestinali
P (a A) am vegn da ridar sior Artemide parchè
s'la fos mia stada cargada
a salve la sò cura speciale
A nuantar Pampurio a laorema in sla mentalità
a dla gent lù in sl'incredulità,
mì in sla credulità, però nisun di dù è perfet an
qual eror alla comet anca lù, o no?
P ma io veramente sono sempre molto preciso
A alora lù ch l'è precis el bon da taiar le
fete da torta?
N ma che torta?
A quela ch a gh'è inm frigo, tirla fora
cavasina l'ò vista vè???
N ma sì n'ocasion dal genar l'as ripetarà pù,
sperema!
Bm mì sò mia sa posi
A ormai sior buseta al pol magnar da tut
Bm veramente..a son pien
A mi invece nò, parchè veramente stasera i m'à
gnanca dat da sena
ragion par cui a magni la pusè grosa, tò questa Nilde
N a l'è mia giusta però a tì la pusè grosa e
a mi la pusè picolina
A tì cos'avresat fat?
N Mì avres tegnì la pusè picolina e t'avres
dat la pusè grosa
A e alora da cosa at lamentat ca t'ò
contentà!
N valà, va là ch at gh è senpar ragion
A l'è stà pampurio a far le fete grose e
picole e si che lù al dis ch
l'è senpar precis
P come un orologio svizzero, pensi che quando
vado in città, come
questa sera carico la rivoltella a salve, quando invece esco per indagini vere, pericolose, la carico
realmente
A a s'el mai sbaglià?
P potrei chiudere bittega se mi capitasse
A alora posi?(chiede la rivoltellae avutala in
mano)putei a conclusione
della festa( aP.) posi sparar an colp?
P ma certo
A putei fema an bot?
TUTTI Siiii!!!!
A (se la punta alla tempia poi ci ripensa e la
punta in aria verso il lampadario senza farlo di proposito) Allegria...(spara
in aria e rumorosamente cade il lampadario lasciando tutti al buio)
F I N
E