Vittorio Aprea

VARCA  ' E  SUONNE

 :::::::::::::::::::::::

(canzone)

dalla raccolta poetica

Kimerik 2005
 

Tremma p' 'o mare 'e Napule

'na stella 'argiento ca percia ll’'onne...

Sfila pe ' nuniez ' 'o vverde

'na varca loggia comm''a 'na fronna...

 E nuje sunnammo 'nzieme cu' 'stu mare

   cunnuliate da ll'onne 'e Marechiare...

Core, core mio,

parlame 'e tè...

Vita, vita d' 'a vita,

statte cu' mme...

Mentre ll'uocchie tuoje brillano

'mperlate 'e lagreme

sott’ a 'sta luna,

vàsame,

cu' 'e vase giurame

ca 'a fora 'e me

nun c'è nisciuno...

Mentre 'stu mare 'e Napule

'nzieme cu' nnuje

sta a ffa' l'ammore,

bella,

stanotte strìgneme,

strìgneme e vàsame

c’ tutt''o core.

Lenta 'sta varca-cònnola,

cunnulianno, fa 'a ninna-nonna

a nuje, ca 'argiento simmo

sott'a 'sti ragge riflesse 'a ll'onne...

 Ma 'e pparole cchiù gentile e care

       nc' 'e mezzeja 'stu mare 'e Marechiaro!

      Core, core mio (etc. etc.)