A UMBERTO
:::::::::::::::::::::::

dalla raccolta poetica

Kimerik 2005


 

Sott'a nu cielo 'e stelle chesta sera

cammino sulo pe' 'na via stramane.

E penzo... penzo... e nun me pare overo

ca si' partuto pure Tu luntano!...

Te ne partisti senza 'na parola

dint'a nu juorno friddo e senza core!

Era de marzo! E Tu lassavo sola

chi T'aveva rialato tant'ammore!

L'azzurro 'e 'st'uocchie mò l'astipa 'o cielo,

addò risblenne 'na stella, 'a cchiù lucente.

'Ncopp''o mare s'è stiso già nu velo...

So' 'e llagreme 'e chi T'ama eternamente!

L'eternità?... Comme sarrà 'sta cosa?...

Esiste o nun esiste?... Che penzate?...

Cu' 'a mano aggiu sfrunnato mò 'na rosa:

1'aggiu distrutta, ma.-.addore c'è restato!

E comm'a chistu sciore nu destino

crudele, 'nfame, 'a vita T'ha stracciata!

Sì! T'ha distrutto;... Ma proprio 'stu destino

'e Te 'o prufumo attuorno m'ha lassato!

Chistu surriso tujo continuamente

'o veco 'ncielo brilla' 'nzieme cu' 'e stelle.,

Te sento affianco a me ogne mumento

e Te guardo... Te parlo... Fratu bbello!! !

Sott'a nu cielo 'e stelle chesta sera,

lenta, m'afferra 'na malincunia...

Sento ca se n'è ghiuta 'a cchiù sincera,

'a meglia parte 'e 'st'esistenza mia!!!

27.03.1993.