Vittorio Aprea

SUONNO    CAPRESE

 :::::::::::::::::::::::

(canzone)

Lenta, 'na varca se cunnuleja cu' ll'onne

e 'a luna 'a vasa cu' 'na fascia 'argiento.

Areto 'e Faragliune s'annasconne

'st'ammore nuosto ca era indifferente...

Ma mò nuje ce abbracciammo cu' 'stu mare

e cu' 'o scenario ca 'nce fa Tragara...

Capri!

Isola affatturata dall’ammore!

Paraviso sunnato da duje core

ca, pure sì spartute,

se cercano e, perdute,

revàcano 'e speranze dint' 'o bblu

e 'stu scenario ca nun se scorda cchiù!

Che sinfunia ce sfanno 'sti Sirene

sotto Marina Grande, ' int ' 'a nuttata!

"E, mentre ce scurdammo d'ogne pena,

'nce afferra 'a frenesia cchiù appassiunata. . .

'A luna sta facenno 'a ruffiana...

Cchiù fforte già se 'ntrecciano 'sti mmane!

Capri!

isola affatturata dall ' ammore! etc . etc.