Vittorio Aprea

CAPRI
:::::::::::::::::::::::
 

(canzone)

dalla raccolta poetica

Kimerik 2005
 

Albanno juorno, sott'a nu grillaggio

ca fanno 'e sciure, 'ncopp'a 'stu balcone,

Carme', 'sta faccia toja sceta 'o curaggio

'e cantarte cu' 'a forza d''a passione:

"Guarda, tesoro mio, guarda Tragara...

dimme 'e pparole cchiù gentile e care!"

Capri

canto 'e Sirene

ca sulo 'o bbene

sanno canta'!

Capri

d''o Golfo 'a stella

tu si' 'a cchiù bella

ca 'nce po' sta!

E, mentre 'a furastiera già se 'ncanta

cchiù forte e preputente 'o core canta!

Piazzetta 'e smalto janco, rosa e verde,

pezzullo 'e Paraviso 'mmmiez''o mare,

luntano o sguardo 'e Napule se perde

mentre s'appiccia ll'ùrdema lampara...

'Sta vocca 'e fuoco è finalmente 'a mia!

Cu' Capri e tè stongo vicino a Ddio!

Capri

canto 'e Sirene

etc. etc.