ALGOFILIA

:::::::::::::::::::::::
 

Io voglio bene a ‘stu dolore mio,

a ‘stu dolore ca spisso me fa chiagnere…

Chiagnenno penzo ‘o tempo ca sto a perdere,

mentre distruggo tutt’’a vita mia!

E a chi vaco cuntanno chesti ppene?

A chi vaco cercanno qualche aiuto?

Chi meputesse da’ ‘na mano è muta!...

Cchiù ‘o tempo passa e cchiù me manca ‘o bbene…

Comm’a nu puveriello io stenno ‘a mano,

cercanno inutilmente can nu core

putesse ancora darme chill’ammore

c’aggiu sunnato pe’ ‘na vita sana…

Ma c’aggia fa?... Me songo rassegnato!

E cerco ‘e vule’ bbene a stu dolore

ca a ppoco a ppoco me sta pircianno ‘o core

e ca m’accide senza darme sciato!

Pirciò m’abbraccio a ‘sta malinconia,

arricurdannoce ‘nzieme d’’o ppassato,

e, mentre chiagno, penzanno a cche so’ stato,

ogne parola addeventa puisia!