O Fasce
Oh,
Villa, sciâ me pâ zù de morale...
O
Villa
No me ne
va unn-a drïta.
O
Fasce
Cöse
gh’é successo, torna?
O
Villa
Sciâ
ghe l’à presente quell’ostaia donde anava à
zugâ a-e bòcce?
O
Fasce
Scì. E
allöa?
O
Villa
Serrâ.
O
Fasce
Ma no!
O
Villa
A-o sò
pòsto ghe méttan un Bingo.
O
Fasce
E va
ben, sciâ no se â pigge. Se pêu sempre andâ da
quarche ätra parte.
O
Villa
Eh!
Defæti ò renonsiòu a-e bòcce e ò pensòu de andâ
a-o cine, che no m’arregòrdo ciù comme o segge
fæto.
O
Fasce
‘Na
bella idea.
O
Villa
Mäveggiosa!
Solo che o cine o no gh’é ciù.
O
Fasce
Sciâ no
me vorriâ dî...
O
Villa
Scì: in
cangio do cine gh’ò attrovòu un Bingo.
O
Fasce
E comme
sciâ se l’é mëgâ?
O
Villa
Ò
deçiso de andâ à trovâ mæ cuxin à l’uspiâ.
O
Fasce
Comme
demöa a no me pâ guæi bella...
O
Villa
Ben...
ciuttòsto de cacciâ via a giornâ... Me son fæto dâ
un passaggio da mæ figgio con a Çinqueçento. Solo che,
stæti arrivæ à l’uspiâ, no semmo arriescïi à
trovâ un parchezzo. Gh’ëa e màcchine unn-a sorvia
l’ätra. Emmo dovùo renonsiâ e anâçene torna à
casa.
O
Fasce
S’accapisce:
tutti i pænti di mòuti...
O
Villa
Ma che
pænti! An averto un Bingo pròpio lì in faccia. E e
màcchine ëan quelle di zugoei!
O
Fasce
Ma bello
Segnô coscì cäo! Cöse se ne faian de tanti Binghi?
O
Villa
Mi
unn’idea ghe l’ò...
O
Fasce
Sentimmo.
O
Villa
O goerno
o l’à sbasciòu e tasce, no?
O
Fasce
Scì,
coscì dìxan... E allöa?
O
Villa
Sciâ
preuve à indovinâ perché o dà l’autorizzaçion
à arvî
un
muggio de Bingo...
O
Fasce
No saià
miga unna mainëa pe repiggiâse i dinae in meno che
gh’intra in cascia?
O
Villa
BINGO!!!
O
Fasce
Bòn...
Parlemmo de cöse allegre...
O
Villa
D’accòrdio...
Sciâ l’à visto o Festival de San Remmo?
O
Fasce
Â! À
propòxito de allegria...
O
Villa
Perché,
o no gh’é piaxùo?
O
Fasce
Pe
caitæ! Mi quello Pippo Baudo o m’à misso ‘na
malinconia...
O
Villa
E
perché?
O
Fasce
Ma sciâ
no l’à visto comme anàvan à attastâlo là de
sotta? Meschinetto, che umiliaçion!
O
Villa
Veamente
o l’ëa un scherso...
O
Fasce
Un
scherso? Belandi! L’ëa pròpio comme dîghe:
“T’attasto se ghe son”. E pròpio in
faccia a sò moggê!
O
Villa
Peò o
Benigni...
O
Fasce
O
Benigni effettivamente o l’é stæto fòrte.
Sorviatutto quande o l’ha dïto a-o cappo do goerno:
“Ci faccia sentire orgogliosi di essere
italiani”.
O
Villa
E o
cappo do governo o l’à contentòu: o l’à
fæto parlâ o Sgarbi à Pariggi. Röba che a sentîlo me
son finn-a riconciliòu co-o Bingo.
O
Fasce
Perché
sciâ no preuva à zugâghe, Villa? O l’é fàçile,
sciâ sa? O l’é comme l'ambo.
O
Villa
Comme
l'ambo? Allöa ghe vorrià i faxeu.
O
Fasce
No, òua
se zeuga con i éuro.
O
Villa
Veu
dîse che pe ògni éuro che zeugo me devo camallâ
appreuvo milleneuveçentotrentesei e vintisette faxeu? Ma
no ghe penso manco, no gh’ò miga ciù
vint’anni! Sciâ s’assette chì, Fasce, che
magara çe femmo ‘na bella partïa a-a lippa.
|
Bollezzumme!