Bollezzumme!
|
Cöse voei 'n veitæ, donca 'nna vòtta gh'ëa 'nna
donnettinn-a piccininn-a piccininn-a, ch'a se n'andava a-a fëa.Quand'a
l'è 'n fëa a dixe:-Cöse me cattiò mi, che son coscì
piccininn-a?E a gïa,
a gïa, a gïa, a no treuva ninte che segge pròpio adattòu pe lê.Finarmente, dòppo tanto giâ, a treuva 'n ommettin piccinin piccinin, anche ciù piccinin che lê. A se ô catta, e tutta contenta a se ô mette into groppetto e a se ne torna à câ.E camminn-a camminn-a, eive che 'n mentre ch'a l'è pe-a stradda se mette 'nn'ægua gròssa comme i pommi, e à sta pövea donnettinn-a se ghe bagna tutto l'ommettin drento a-o groppetto.Tòsto ch'a l'arriva à câ, tutta despiâ sta pövea donnettinn-a a l'açende sùbito 'n bello feugo, e a mette l'ommettin tutto bagno à sciugâ sorve a-o camin. Ma eive, cöse voei 'n veitæ, che tanto che l'ommettin o l'è 'n çimma a-o camin ch'o sciuga, se mette 'n vento fòrte fòrte, ch'o ô fotte drento a-o fornello.A donnetta à 'n çerto ponto a va pe vedde se o seu ommettin o l'è sciuto, e in cangio a no ô treuva ciù! Pensæ 'n pö se sta pövea donnettinn-a a se mette à cianze e à despeâse! Ma ghe ven sùbito 'n cheu ch'o porriæ ëse cæito drento a-o fornello, e trovâse 'n mëzo a-a çenne.Comme de fæti, a piggia 'n siasso, a l'impe de çenne co-a paëta, e siassa, siassa, eive che in fondo gh'arresta l'ommettin piccinin, tutto spòrco de çenne.Allöa a donnettinn-a cös'a fa? a ô lava, e a ô nettezza ben, e a ô mette in çimma a-o barcon à sciugâ.Ma passa 'na sinsäa, e a se ô pòrta via sott'à l'äa. Föa ' sà
e föa 'n là,
|