Bollezzumme!
Lettiatùa da giornâ d'ancheu
 

 
 

Doe poexìe
(Giorgio Cambiaso)
Lago de Verne

L'ægua a l'à o cô de pòule che se dixe
à mëza voxe, à l'amô satisfæto,
e gh'é un ödô de tæra e pan de bòsco
ch'o sa de çerte tò privanse ermitte.

Doì viçi scompartimmo mi e sto sciumme,
cæzâte i scianchi e strixellâ in scilensio.

Vessi

E öe téscian a teia inti recanti
freschi do paise, à ciappâ mosche greve.

I òmmi, a-o sô, no cùan de ste fociäre,
pénsan a-o mù da ciapponâ, a-a vendegna.

E cansonette van de lapro 'n lapro
in fondo a-e creuse, inta zoentù ch'a rïe.

Chi meue 'n pittin tutti i momenti, e vege
serræ tra o feugo e o ciæo da meistaetta.

Töa do contegnùo