Bollezzumme! Lettiatùa tradiçionale
Bollezzumme!
Lettiatùa tradiçionale
|
Unna vòtta gh'ëa un òmmo ch'o vendeiva berrette rosse
e o s'ëa appösòu con o carretto pròpio sotta à di
ærboi gròsci con in çimma de scimiëte. Dappeu o l'à
piggiòu unna berretta e o se l'à missa in sciâ testa,
pe attiâ l'attension, ma e scimiëte, de véddilo, son
chinæ, se son misse in sciâ testa de berrette rosse
liätre ascì e son scappæ in sce l'ærboo. L'òmmo, tutto despiòu, o no saiva manco lê comme fâ à repiggiâse e seu berrette, o l'à comensòu à tiâ zù di redei e, con ciappâse a berretta, o l'à cacciâ in tæra con raggia. E de drïto e scimiëte an fæto pægio: s'an rancòu a berretta e l'an cacciâ zù de schitto. Coscì l'òmmo o l'à posciùo accheuggile tutte d'asbrïo e o s'é arrösòu pe no ëse ciù sfröxòu, contento d'aveila scampâ bella. |