Preàn il Signòur; preàn la Verzin. In silensi, ch'a si sintin sigà i ultins avostàns tai nustris ciamps. In silensi, ch'a si sintin svintulà li fuejutis dai ors. In silensi, ch'a si sinti murmurà l'aga dal Tilimínt lontan. In silensi, I ti prei, Madonuta, tu la pí ciara creatura dal Signòur. I ti prei in pont di muart, no doma jo, ma la me femina, e i me frus, e dúcius i me paríns e consuríns, i ti prei ch'i ti vedis di salvani. Si ti ni salvaràs, i promèt e i mi oblighi di costruiti la pí biela Glisisuta di dutis chistis vilis. La Glisiuta pí biela e ben ornada dulà che sempri in saecula saeculorun i nustris fis a vedin di preati. Amen.

Pier Paolo Pasolini, I Turcs tal Friul
( Società Filologica Friulana)