Nennella mme vo’ male, c’aggio fatto?
Pecchè m’ha abbandunato sulo sulo?
Nun m’ha parlato cchiù all’intrasatto
e m’ha snobbato comme a nu citrulo.
Eppure mm’ero tanto dedicato!
nun m’’a scurdavo maje ogne matina.
Cu qualche messaggiello delicato
ll’accarezzavo ‘o core, ma in sordina.
Nenna pecchè mm’he chiuso dint’’o stritto?
Pecchè nun pozzo avè cchiù chistu dono
senza sapè neppure c’aggio ditto?
Sapesse perlomeno quà delitto,
quala parola sconcia... p’’o perdono
io te priasse e nun sarria scunfitto.