Agghiacatata strata di na vota
Aunni li carretti ficiru viola
Scavannu la so petra quacinara
Chi circhi i fierru e fierri di na mula .
Viristi vita duci e amara malavita
D’un populu ca stenta pa lazzata .
supporti ancora u pisu di lu chianti
Di chiddi donni ca ficiru lu
scanciu
Pi na lanna i sanggu e d’una vita .
Muta di notti, cuomu mamma annacha,
Cu li carretti, genti da so
strata,
Ca duormunu e un vunnu sapiri
Pi un’ aviri nenti a ripurtari .
Ora nivuru di pici occupa petra . Un ci su cchiù li picciriddi e
Mancunu li viesti e li carretti . Mi manca l’aria, mi scanzu di dda
strata E fazzu largu p’un cavaddu i fierru .