Bolla dell'Arcivescovo di Bari Giulio Vaccaro con cui si erigeva a parrocchia il 20maggio 1903 la chiesa si S. Michele Arcangelo di Palese.

Bulla erectionis in Parochiam pro Ecclesia S. Michaelis Arcangeli in oppido vulgo Palese.

Iulius Vaccaro

Archiepiscopus Baren

In nomine Christi. Amen

Cum in oppido vulgo Palese, terrae Medunei hujus Baren Archidiocesis, Vicaria Perpetua sub titulo S. Michaelis Arcangeli cum proprio territorio, fonte baptismali, aliisuque de jure adnexis existat, cujus presbyter titularis ab Archiepiscopo Baren adprobatus et institutus post nominationem et presentationem Rev.mi Capituli Ecclesiae Collegiatae Terrae Medunei sub titulo Annuntiationis B. Mariae Virginis, cum jure percipiendi annuas libellas 618.00 ex fructibus et redditibus ejusdem Ecclesiae Collegiatae: cumque ex novissimis rerum conditionibus, neque Collegium praedictum, neque Vicaria ab eo dependens, ad tramitem antique institutionis, esistere et permanere ampliusvaleat, ne cura animarum illius oppiai per presbyteros non certos et ad nutum amovibiles sustineatur, praedictam Vicariam sub titulo S. Michaelis Arcangeli, ordinaria Nostra auctoritate omni meliori modo, in Ecclesiam Parochialem vere et proprie dictam, tenore praesentium erigimus et erectam volumus et declaramus. Ecclesiaeque praedictae, sia in Parochialem erectas, jura omnia et privilegia, quae Parochialibus de jure competunt, concedimus, et illis gaudere debere decernimus e pro congrua parochiali ipsas annuas 637.70 libellas ex antiquis Collegiatae Ecclesiae Medunei redditibus provenientes et avulsas, quasque civile Italicum Gubernium separavit et servavit, assignamus et deputamus. Ipsamque Ecclesiam Parochialem S. Michaelis Arcangeli nulli juris patronatus servituti subiectam esse sed ad liberam nostram et successorum nostrorum collationem et provisionem, servata forma Sacri Concilii Tridentini, spectare et petinere decernimus. Nihilominus ad antique institutionis dictae Vicariae memoriam Paroco S. Michaelis Arcangeli in oppido vulgo Palese <<ejusque successoribus, seu aliis pro tempore dictam Ecclesiam Parochialem regentibus >> mandamus, quod ipse singulis annis in die decima Martii, personaliter, vel per alium presbyterum si fuerit legittime impeditus, ad Eccesiam Annuntiationis B.M.V. Medunei accedat, et inter Missarum solemni ad altare maius in manus Archipresbyteri cerum cerae elaboratae unius librae, in signum praeteritas filiationis et dependentiae offerat et deponat.

Ut autem praefata Ecclesia parochialis de novo erecta de idoneo Rectore provideatur, qui populo in divinis, et animarum cura gerenda praefit, et missas diebus festivis pro ovibus suis celebrare, Sacramenta administrare, verbum Dei et  rudimentum Fidei edocere possit ac valeat, dilectum Nobis in Cristo filium presbyterum Demetrium Magrini, jam uti Vicarium Perpetuum in dicta Ecclesia S. Michaelis Arcangeli deputatum, a Nobis et examinatoribus Nostris Pro-Synodalibus habilem et idoneum repertum, praeficimus, illique curam, regimen et administrationem Sacramentorum committimus, ac eidem de prefata Ecclesia parochialiter noviter erecta collatioem facimus et providemus; mandantes omnibus et singulis de Rev.do Clero ac Christifidelibus praedicti oppidi vulgo Palese, ut Te in Parocum recipiant et tractent, qualiter Nos, tenore praesentium instituimus et confirmamus, cum omnibus fructibus, honoribus, oneribus et amolumnetis adnexis. Et ita erigimus, assignamus, deputamus, providem, mandamus instituimus et confirmamus ac exequi mandamus.

In quorum etc.

Datum Baren ex N.ro Archiep.li Palatio die 20^° Maji 1903. Archipaesulatus vere Nostri Anno VI.

                                                            + Iulius Archiepiscopus Baren

                                                Firmati: Canonicus Caroly Gatta Cancellarius