LA PRUVIDENZA

 'D cò d'i piupun, com una volta,
 a gh'è na vecia ustarié pina 'd ricord,
 passada 'd man sol col passar dal temp,
 cambiand la fazza senza cambiar ad nom.
L'è stada anch ad mié nono, zzent an fa,
acsi 'l cuntava sù 'l mié poar papà .
Ma a 'ss ved c'a gh'i era poc da guadagnar,
parché puvret al 'i era e l 'è restà .
 A 'ss magna ben, i dis i furastier,
 e quand i torna a ca' i conta ai sso
 i qvei c'a gh'è piasù , i piat speciai.
 Mi a gh'ò magnà dil ran, friti duradi,
c'a m'li arcord ancora dop tant'ann.
A Frara ormai d'i mié 'n gh'è più nissun,
ma a gh'è la Pruvidenza, ancora là ,
sempar più vecia, là , 'd cò di piupun.
.***.
(Autore † M.stro BRAGA Franco)

(Click on Pietro )
Copyright © Dominoni Pietro, 1999