"Parchè" di Braga M.stro Franco

PARCHE' 'N GH'IET PIU' ?

A gh'è di qvei, ch'i va fora 'd la ment
e a passa 'd i ann, e i par dal tutt zcurdà ,
ma a vien al temp ch'i torna in d'un mument
e i par da ier, ch'i qvei ch's'è sluntanà .
Ades che t'an gh'i é più , s'a ser i occ
at ved ancora, cuflì s'a 'l tò banchet,
con d' i scarpin in man e 'l tò martel s'i znocc:
"I è tò - t'am dgev - i è tò , sì , banadét!
I è tò sti bei scarpin, i è 'd bot finì ,
a 'd i altr a t'in farò , s't'ié 'n bon putin"
E la tò vos a'm par 'd santirla in mi.
I è più d'ssant'ann, ma a ved i mié scarpin,
e a vria zzigar, ma 'n grop a gh'ò chi 'csì .
Parché 'n gh'iet più , e 'n sogna più 'n putin? .***.
(Autore † M.stro BRAGA Franco)