Pagina bianca

PAGINA BIANCA

Pagina bianca, che te l'sé a che présse
dèsde ü pensér che dopo l'me fà pena
perchè me tègnet ché a la tò cadena,
donàt ai rime fin che amò i capésse ?
Quando 'n del có me calerà i somésse
spéret d'i mé parole e, póch de lena,
me piegheró sö té col mal de schena,
e in öde me egnirà pò a' chèl caprésse,
che fadiga farói se 'l cör a l'manca ?
Lassa che 'ndaghe a piàns la carestéa,
vagabónd, senza cà... ma sensa bréa !
Làssem i mé pensér, pagina bianca !
Te salüde de gul... Ma fò de gàbia,
èdet che mal a gh'ó ?... cante de rabia !

.***.
(Francia Carmelo: Ducato P.zza Pontida)
(Trascrizione .HTML By Dominoni Pietro)