Gh'è mòrt el gatt
Ona ghisa con sù la sottana,
sòtt i piant de la Piazza Fontana,
l’ha trovaa on gattin tanto bell
negher e bianch fòrt com' on torell
Per fagh ciappà i ratt,
l'ha portaa stoo bell gatt
giò de bass in cantina
del mandamend di ghisa.
Con la pell de salamm
e i crost de formagg
che ghe daven i ghisa,
el gatt l'è scampaa
fin quand d'ona gatta sguangetta
el sè inamoraa.
Rideven content balaven i ratt,
quand hann vist che spontaven i corna
su la testa del gatt.
Ferii in de l'onor, tradii e ofes,
mincionaa de la sòrt...
el pòver gatt a l'è mòrt!
Per i ghisa, che brutta giornada!
Pòrten el lutto sù la divisa.
Che bell dì a l'è incoeu per i ratt.
Riden content e ballen de matt!
Gh'e mòrt el gatt, gh'è mòrt el gatt.
Gh'è mòrt el gatt di ghisa.
Riden i ratt e piangen i ghisa!
Gh'è mòrt el gatt........