Fontana di mè sògn
Leggera la man con scioltezza
el voeui le carezza
del spazi del ciel, ona vòlta
e on altra vòlta anmò.
Primavera de stell
che riflett sù la terra
i segrett
del ciel seren che vann
dedree di omber de la nòtt.
Fontana fontanella di mè sògn,
ma dimel tì come se fà
per scancellà la realtà
pesanta che la porti in sui mè spall?
Fontana fontanella di mè sògn,
ma famel tì trovà tra i fior
on sentiment che dà calor
a tutta la speranza che gh'hoo in del coeur.
La luna la rid e la gira
e intant la rimira
l'incant di belezz che la sera
la scond dedree del ciel.
Romantica vision
sul vial de la vita.
L'ideal
d'on grand amor el voeur
restà in di sògn domà per mì.