Foeugh d'amor 

 Musicata dal Maestro U. Blondett

Cantava la sigala in alt sui piant,

la vita dend de mì la me rideva.

Senza caden d'amor, in pas coi sant,

godevi tutt l'incant de primavera.

E in libertà compagn d'on vagabond,

mi seri l’òmm pussee content del mond.

Ma de front d'ona casetta in sù la Riva,

sòtt on ciel con tanti stell al ciar de luna

rimiravi sul pogioeu tra i rampicant,

'na tosa tanta bella e sugestiva.

Sol per lee i serenad mi ghe fasevi

e la musica e i paròll dent del sò coeur

ghe rivaven col profumm legger legger

de tutti i fior che nassen in primavera.

On sentiment grazios mai conossuu

el me ninava el coeur in d'ona cuna.

E tutt l'ardor de mì el sè stenduu

sul morbid del velù al ciar de luna.

E in l'anima de lee gh'hoo brusaa dent

la libertà col foeugh d'amor ardent.

De tutt i fior che nassen in primavera.