Finestra sui regòrd |
||
Musicata dal Maestro V. Pinotti
|
||
Se derva ona finestra sui regòrd, se derva sui regòrd de casa mia. Regòrd de gioventù svanii in del temp, finestra sui moment che tornen pù.
L'antiga tradizion del bèll Milan che la se perd cont el parlà nostran. La cort cont i ringher el vegg navili, in d'on canton del coeur miss là in esili.
Finestra sui regòrd, finestra spalancada sul tarloccà di car che passen per la strada.
Poeu quand ven giò la sera, profumm de minestron con l'aij e la pestada sui scal e la ringhera.
Regòrd d'ona ballera con l'orghenin che sòna. On fresch basin d'amor robaa sòtta la luna.
Duu laver delizios d'on primm amor fogos. Regòrd scolpii in del temp de giòia e de torment.
I ronden volen bass, tramonta el sô su tanti bei rigòrd de la mia vita. Se pizzen i lampion sù el dì che moeur. se smòla in del mè coeur on gran magon.
E Sant Ambroeus in ciel, col coeur in man, el benediss i sògn del sò Milan. Poeu on fulmin, 'na lusnada e ona ventada... e la finestra in bòtt la sè sarada!
|
![]() |